ఫిబ్రవరి 11 నుంచి 18 వరకు నిరసన కార్యక్రమాలు

Posted: 02/07/2014 05:23 PM IST

నిన్నటిలాగానే రేపు కూడా కేంద్ర మంత్రుల నివాసాల దగ్గర ఆందోళన కార్యక్రమాలు చేపడతామని చెప్పిన ఎపిఎన్జీవో లో సంఘ అధ్యక్షుడు అశోక్ బాబు రాష్ట్ర విభజనకు వ్యతిరేకంగా ఫిబ్రవరి 11 నుంచి చెయ్యబోయే నిరసన కార్యక్రమాలను ఈ విధంగా వివరించారు.

ఫిబ్రవరి 11 న రాష్ట్ర వ్యాప్తంగా సినిమా థియేటర్ల బంద్, 12 న జాతీయ రహదారుల దిగ్బంధం, 17, 18 తేదీల్లో ఛలో ఢిల్లీ కార్యక్రమం.

పైది సాధారణ కార్యక్రమం. 

ఒకవేళ రాష్ట్ర విభజన బిల్లు పార్లమెంటుకి వచ్చినట్లయితే ఆందోళనలు తీవ్రతరమౌతాయని అన్న అశోక్ బాబు, ఇప్పటి వరకు లేని విద్యుత్ ఉద్యోగులను కూడా సమ్మెలో భాగం వహించమని కోరుతామని అన్నారు. 

పదవ తరగతి ఇంటర్ పరీక్షలకు సమ్మెలో మినహాయింపు ఉంటుందని ప్రకటించారు.  ఇంతకు ముందు కూడా వాయిదా పడ్డ టెట్ పరీక్షల విషయంలో మాత్రం ఈ నెలాఖరుకి నిర్వహించమని ప్రభుత్వాన్ని కోరనున్నామని అశోక్ బాబు అన్నారు.

-శ్రీజ