Apsrtc bus charges increased tomorrow

apsrtc bus charges increased tomorrow, Bus Charges, APSRTC, Bus Charges increased

apsrtc bus charges increased tomorrow, Bus Charges, APSRTC, Bus Charges increased

బస్సెక్కితే జేబుకు చిల్లే

Posted: 11/04/2013 07:27 PM IST
Apsrtc bus charges increased tomorrow

ఆంధ్రప్రదేశ్ ఆర్టీసీ రేపటి నుండి ప్రజల పై ఛార్జీల మోత మోగించబోతుంది. ఇప్పటికే పీకల్లోతు కష్టాల్లో ఉన్న ఆర్టీసీని సీమాంధ్రలో ఉద్యమం అంటూ దాదాపు రెండు నెలల పాటు బస్సులను నిలిపివేసి దాదాపు 745 కోట్ల నష్టాన్ని తేవడంతో ఇప్పుడు తెలంగాణ, సీమాంధ్ర ప్రజల పై ఛార్జీల భారం పడబోతుంది. పెరిగిన డీజిల్ రేట్లు, సీమాంధ్ర ఉద్యమం ఎఫెక్టుతో దాదాపు 10 శాతం ఛార్జీలు పెంచడానికి ప్రభుత్వం గ్రీన్ సిగ్నల్ ఇచ్చింది.

ఈ పెంపుతో సుమారు 400 కోట్ల రూపాయల భారం పడబోతుంది. ఈ ఛార్జీల పెంపు రేపు అర్థరాత్రి నుండి అమల్లోకి వస్తుందని అధికారులు చెబుతున్నారు. ఎస్సీ బస్సులపై 12 శాతం, సూపర్ లగ్జరీ బస్సులపై 10 శాతం, పల్లె వెలుగు బస్సులపై 8 శాతం చార్జీలను అధికం చేయనున్నారు. మన ఆర్టీసీ అధికారుల నిర్లక్ష్యమో, సీమాంధ్రుల ఉద్యమమో కానీ దీనివల్ల సామాన్య ప్రజల నడ్డి విరుస్తున్నారనేది మాత్రం నిజం.

అయితే ప్రతి పక్షాలు మాత్రం ఆర్టీసీ నష్టాలకు కారణం ప్రభుత్వ విధానాలేనని, సంస్థ లాభాల్లో ఉండేటట్లు చర్యలు మాత్రం తీసుకోరని, వెంటనే పెంచిన చార్జీలను ఉపసంహరించుకోవాలని డిమాండ్ చేశారు. ప్రస్తుతం పెరిగిన బస్సు చార్జీల వల్ల ఆర్టీసీకి ప్రయాణీకుడు దూరం అయ్యే సూచనలున్నాయని పలువురు అంటున్నా ఆర్టీసీ అధికారులు మాత్రం తన పని తాము చేసుకొని పోతున్నారు.

If you enjoyed this Post, Sign up for Newsletter

(And get your daily news straight to your inbox)

Rate This Article
(0 votes)
Tags : latest news  moviesm movie news  city events  events coverage  

Other Articles