బాబు ఇంటికి భేరం పెట్టిన వైసీపీ లీడర్

Posted: 09/17/2013 11:27 AM IST

చంద్రబాబు ఇంటిని కొనటానికి వైసీపీ నాయకులు పోటీ పడుతున్నారు. చంద్రబాబు తన ఇల్లు ఖరీదు 23 లక్షలే అని చెప్పినప్పటి నుండి బాబు ఇంటిని కొనేందుకు రాజకీయ నాయకులు, ప్రముఖ వ్యాపారవేత్తలు పోటీ పడుతున్నారు. అందరికంటే ముందుగా వైఎస్ఆర్ కాంగ్రెస్ పార్టీ నాయకుడు బాలినేని శ్రీనివాసరెడ్డి ఒకడుగు ముందుకేసి.. చంద్రబాబు ఇంటికి ఒక రేటు ఫిక్స్ చేశారు. హైదరాబాద్‌లోని జూబ్లీహిల్స్‌లో ఉన్న ఇల్లు 23 లక్షలే అని బాబు చెప్పడం హాస్యాస్పదంగా ఉందని ఆయన అన్నారు. ఆయన తన ఇంటిని అదే ధరకు అమ్మితే రూ.2 కోట్లకు కొనుక్కుంటామన్నారు. అసెంబ్లీ ఎన్నికల్లో ఎమ్మెల్యే అభ్యర్థులకు ఎంత డబ్బు పంపిణీ చేస్తున్నారో ప్రజలందరికి తెలుసని బాలినేని వ్యాఖ్యానించారు. ఎన్నికల ముందు ప్రతి ఎమ్మెల్యే ఆస్తులు అఫిడవిట్ ఇస్తారని, అయితే బాబు మాత్రం ప్రత్యేకంగా ఆస్తులు ప్రకటించుకొన్నట్లుగా గొప్పలు చెప్పుకుంటున్నారని ఆయన విమర్శించారు. చంద్రబాబు ఆస్తులు పారదర్శకంగా ఉంటే సీబీఐ విచారణను ఎందుకు ఆపించారో చెప్పాలని బాలినేని డిమాండ్ చేశారు.