నేవీ యార్డ్ లో కాల్పులు...12 మంది దుర్మరణం

Posted: 09/17/2013 09:35 AM IST

అగ్ర రాజ్యం అమెరికాలో ఎంత పటిష్టమైన  భద్రత ఉన్నా, దుండగలు, అగంతకులు  మాత్రం పెట్రేగి పోతున్నారు. . గతంలో పలు సంఘటనల్లో దుండగలు  దాడి చేసి పలువురి చిన్నారులను  పొట్టన పెట్టుకున్న సంగతి తెలిసిందే. తాజాగా ఆ దేశ అధ్యక్షుడు  ఉండే నివాస సమీపంలోని  నేవీ యార్డ్ లో దుండగలు  కాల్పులు  జరిపి నేవీ అధికారులనే  కాకుండా, 12 మంది సాధారణ  పౌరులను  పొట్టన పెట్టుకున్నారు..  ‘నేవల్ సీ సిస్టమ్స్ కమాండ్  ప్రధాన కార్యాలయంలో  ఈ ఘటన జరిగింది .  నావీ యార్డ్ లోకి ముగ్గురు దుండగలు  సైనిక దుస్తుల్లో వచ్చి దాడికి పాల్పడ్డారు.. తీవ్ర స్థాయిలో కాల్పులు జరిపిన దుండగలు  12 మందిని కాల్చి చంపారు. ఈ సంఘటనలో పలువురు గాయాల పాలయ్యారు . భద్రతా సిబ్బంది  అగంతకుల్లో ఒకర్ని పట్టుకొని  కాల్చి చంపారు. మరో ఇద్దరు పారిపోయినట్లు  పోలీసులు చెబుతున్నారు. . ఈ యార్డ్ లో 3 వేల మందికి పైగా పనిచేస్తున్నారు. . వారు నౌకా దళానికి అవసరమైన  జలాంర్గాములు, నౌకల నిర్మాణం, నిర్వహణ విధులను నిర్వహిస్తుంటారు. ఈ సఘటన పై స్పందించిన అధ్యక్షుడు ఒబామా ఇది పిరికిపందల చర్య అని,తక్షణమే విచారణ చేపట్టాలని ఆదేశించాడు.