కిరణ్ అంత మొనగాడయ్యారా?

Posted: 08/09/2013 11:35 AM IST

ఈ మాటలు కాంగ్రెస్ పార్టీ అధినేత్రి సోనియా గాంధీ అన్నట్లుగా మీరు అనుకోకండి? ఎందుకంటే ఇప్పుడు తెలంగాణ కాంగ్రెస్ రాజకీయ నాయకులు ఆలోచనలు ఇలాగే ఉన్నాయి. సీల్డ్ కవర్ సిఎంకు అదిష్టానాన్ని వ్యతిరేకించే ధైర్యమా అని ప్రశ్నించారు. ఆయన వెంటనే తప్పుకోవాలన్నారు. రాష్ట్ర విభజన ప్రక్రియ ప్రారంభం కావడానికి ముందు కేంద్రం ఏమేం చేయాలో సూచించిన ముఖ్యమంత్రి కిరణ్ కుమార్ రెడ్డి వ్యాఖ్యలను తెలంగాణ రాష్ట్ర సమితి, తెలంగాణ కాంగ్రెస్, తెలుగుదశం పార్టీ నాయకులు తీవ్రంగా ఆక్షేపించారు. తమ పార్టీ అధినేత్రి సోనియా గాంధీ భిక్షతో ముఖ్యమంత్రి అయిన కిరణ్ కుమార్ రెడ్డి, సిడబ్ల్యూసి తీర్మానాన్ని వ్యతిరేకించే మొనగాడయ్యారా? అంటూ మాజీ మంత్రి, కాంగ్రెసు పార్టీ సీనియర్ ఎమ్మెల్యే కోమటిరెడ్డి వెంకట రెడ్డి మండిపడ్డారు. ఇక తమ పోరాటం ముఖ్యమంత్రి పైనేనని చెప్పారు. ఆయనను అధిష్టానం వెంటనే బర్తరఫ్ చేయాలని కోరారు. తెలంగాణ ప్రాంత మంత్రులు ఆయనను తక్షణమే బహిష్కరించాలని డిమాండ్ చేశారు.