అవన్నీ పుకార్లే అంటున్న దిగ్గీ

Posted: 07/16/2013 09:00 PM IST

రాష్ట్ర కాంగ్రెస్ వ్యవహారాల ఇంఛార్జి దిగ్విజయ్ సింగ్ ఈ రోజు ఢిల్లీలో గుంటూరు జిల్లాకు చెందిన పార్లమెంటు సభ్యుడు రాయపాటి సాంబశివ రావు, రాష్ట్ర మంత్రి మాణిక్యవర ప్రసాద్  పాటు పలువురు సీమాంధ్ర నేతలను తో భేటి అయ్యారు. ఈ భేటి అనంతరం దిగ్విజయ్ మాట్లాడుతూ... తెలంగాణ అంశాన్ని త్వరలోనే తేలుస్తామని, అది 2014 ఎన్నికల ముందుగానే ఏదో ఒక నిర్ణయం వెల్లడిస్తామని, హైదరాబాద్ ని ఉమ్మడి రాజధానిగా చేసే ఆలోచన లేదనే సమాచారాన్ని ఇచ్చారు. రాష్ట్ర విభజనపై ఇరు ప్రాంతాలకు చెందిన నేతల వాదనలు బలంగా ఉన్నాయని దిగ్విజయ్ అన్నారు. కోర్ కమిటీలో జరిగిన విషయాల పై అడిగితే.... అందులో చర్చింన విషయాలు బయటికి చెప్పలేనని, ఉమ్మడి రాజధాని పై వస్తున్న పుకార్ల పై కూడా తాను స్పందించనని అన్నారు. కోర్ కమిటీ విషయాలు అంతర్గత విషయాలని వాటి పై ఏమి అడగవద్దని అన్నారు. మరి దిగ్విజయ్ సింగ్ మాటలను బట్టి చూస్తుంటే అధిష్టానం ఏదో ఒక నిర్ణయం తీసుకోబోతుందని మాత్రం తెలుస్తుంది.