22 బ్యాంకులపై ఆర్ బిఐ దెబ్బ?

Posted: 07/15/2013 06:32 PM IST

22 బ్యాంకులపై రిజర్వ్ బ్యాంక్ కొరడా ఝళిపించింది. 'నో యువర్ కస్టమర్' నిబంధనలు పాటించని ఆయా బ్యాంకులకు ఆర్ బి ఐ భారీ జరిమానాలు విధించింది. గతంలో కొన్ని బ్యాంకులు శ్రమ ఉల్లంఘన, మనీలాండరింగ్ కు పాల్పడుతున్నాయని కోబ్రాపోస్ట్ అనే మీడియా సంస్థ కథనాలు వెల్లడించిన విషయం తెలిసిందే. దీంతో ఆర్ బి ఐ రంగంలోకి దిగి విచారణ జరిపింది. విచారణలో భాగంగా అవకతవకలకు పాల్పడుతున్న 22బ్యాంకులను గుర్తించింది. ఒక్కో బ్యాంకుకు 50 లక్షల నుండి 3 కోట్ల రూపాయల వరకు జరిమానా విధించింది. ఫలితంగా ఆర్ బి ఐ విధించిన మొత్తం జరిమానా 49.5 కోట్లు. 'నో యువర్ కస్టమర్' నిబంధనలను కఠినతరం చేయడమే కాకుండా వీటిని ఖచ్చితంగా పాఠించాలంటూ గతంలోనే ఆర్ బి ఐ ఆదేశాలు జారీ చేసింది. అయితే ఈ నిబంధనలను స్టేట్ బ్యాంక్ సహా మొత్తం 22 బ్యాంకులు తుంగలో తుక్కాయి. జరిమానా కట్టాల్సిన బ్యాంకుల్లో ఎస్ బిఐ, పిఎన్ బి, వైఈఎస్, కొటక్ మహీంద్రా, కెనరా బ్యాంక్ ఆఫ్ ఇండియా ఉన్నాయి.