వీరిని మా కస్టడీకి ఇవ్వండి

Posted: 06/07/2013 12:56 PM IST

జగన్ ఆస్తుల కేసుకు సంబంధించి అవినీతి మంత్రులుగా ముద్ర వేసుకొని, తన పదవులను ఊడగొట్టుకున్న ధర్మాన ప్రసాద రావు, సబితా ఇంద్రారెడ్డిలు ఈ కేసులో ఏ3, ఏ4 నిందితులుగా ఉన్న విషయం తెలిసిందే. దీంతో వారి పై మరింత పట్టుబిగించి మరింత సమాచారాన్ని లాగాలని చూస్తుంది సీబీఐ. ఈ మేరకు వీరిద్దరిని తన కస్టడీకి ఇవ్వాలని ఈరోజు నాంపల్లి కోర్టులో సీబీఐ మెమో ధాఖలు చేసింది. వీరిద్దరిని కస్టడీకి ఇస్తే మరిన్ని విషయాలు వెల్లడవుతాయని, కేసు నుంచి బయటపడతామన్న ధర్మాన, సబిత వ్యాఖ్యలను కోర్టు దృష్టికి సీబీఐ తీసుకువచ్చింది. సాక్ష్యాలు తారుమారు చేస్తారనడానికి ఈ వ్యాఖ్యలే నిదర్శనమని కోర్టులో సీబీఐ వాదించింది. మెమోను విచారణను స్వీకరించిన కోర్టు విచారణను జూన్ 21 వరకు వాయిదా వేసింది. దీంతో సబితా రెడ్డి ప్రస్తుతానికి ఇంటికి వెళ్ళి పోయారు. త్వరలోనే వీరిని కస్టడీలోకి తీసుకునే అవకాశం ఉంది.