Posted: 04/01/2013 08:35 PM IST

వైయస్సార్ కాంగ్రెస్ పార్టీ అధ్యక్షుడు వైయస్ జగన్ మోహన్ రెడ్డి సోదరి షర్మిళ మరో ప్రజా ప్రస్థానం పేరిట పాదయాత్ర చేస్తున్న విషయం తెలిసిందే. ఈ పాదయాత్ర క్రిష్ణా జిల్లాలోని సాగుతుంది. నేటి పాదయాత్రలో ఓ అరుదైన సంఘటన చోటుచేసుకుంది. తెలుగు దేశం వ్యవస్థాపక అధ్యక్షుడు, అన్నగారు అయిన పెద్ద ఎన్టీఆర్ సోదరుడు నందమూరి వెంకటేశ్వరరావు ఎన్టీఆర్ జన్మస్థలం నిమ్మకూరు రోడ్డు వద్ద షర్మిలను కలిసి, ఆమెతో కలిసి పాదయాత్రలో  పాల్గొన్నారు. ఈ రోజుతో షర్మిళ పాదయాత్ర 108 రోజులకు చేరుకుంది. ఈ సందర్భంగా షర్మిళ మాట్లాడుతూ.... . వైయస్ రాజశేఖర రెడ్డి బతికి ఉంటే 9 గంటలు విద్యుత్తు ఇవ్వడంతో పాటు 30 కెజీల బియ్యం పథకం అమలు చేసేవారన్నారు. రాష్ట్రంలో ఏ వర్గం కూడా ప్రస్తుత ప్రభుత్వం పట్ల సంతృప్తిగా లేదని ఆమె అన్నారు. ఈ ప్రభుత్వం చెప్పేదొకటి, చేసేది మరోటి అని షర్మిల అన్నారు. వెంకటేశ్వరరావు షర్మిళతో కలిసి పాదయాత్ర చేయడం హాట్ టాపిక్ గా మారింది.