Posted: 04/01/2013 03:35 PM IST

ముఖ్యమంత్రి కిరణ్ కుమార్ రెడ్డికి తన సొంత మంత్రి వర్గం నుండే విమర్శలు వస్తున్నాయి.  రాష్ట్రంలో విద్యుత్ ఛార్జీల పెంపుదలపై మంత్రి సి.రామచంద్రయ్య ముఖ్యమంత్రి కిరణ్ పై తీవ్ర అసంత్రుప్తి వ్యక్తం చేశారు.  ముఖ్యమంత్రి ఏకపక్ష నిర్ణయాలు తీసుకుంటున్నారని, మంత్రి వర్గంలో చర్చించకుండా ఇలా కరెంట్ ఛార్జీలు పెంచడం వలన పార్టీకి నష్టమే అని, ఆయన వ్యాఖ్యానించారు. ముఖ్యమంత్రి నిర్ణయాల వల్ల ప్రభుత్వానికి నష్టం కలుగుతుందని స్థానిక, సాధారణ ఎన్నికలపై విద్యుత్ ఛార్జీల పెంపు ప్రభావం ఉంటుందని, విద్యుత్ చార్జీల పెంపు నిర్ణయంపై చర్చించాలని సీఎం కిరణ్, బొత్సలకు ఇంతకు ముందే లేఖలు రాసినట్లు మంత్రి తెలిపారు.  సమన్వ కమిటీలో కీలక అంశాలను  చర్చించడంలేదని ఆరోపించారు. మరి ఈ వ్యాఖ్యల పై కిరణ్ ఎలా స్పందిస్తాడో చూడాలి.