Posted: 03/23/2013 09:15 AM IST

దక్షిణ రైల్వే ఒక మంచి నిర్ణయం తీసుకుంది.  మీ యాత్ర సుఖమయమవుగాక అనో లేక మరేదో వ్యాపార ప్రకటనలు కాకుండా, రైల్వే టికెట్ల మీద హెల్ప్ లైన్ నంబర్లను ప్రింట్ చెయ్యటానికి దక్షిణ భారత దేశంలోని రైల్వే పోలీస్ ఛీఫ్ ల తో సమావేశమైంది.  ఇందులో ఆంధ్ర ప్రదేశ్, తమిళనాడు, కేరళ, కర్నాటక, పుదుచ్చేరి అధికారులు హాజరయ్యారు.  

ఈ హెల్ప్ లైన్లలో ప్రభుత్వ రైల్వే పోలీసుల ఫోన్ నంబర్లుంటాయి.  యాత్రికులు భద్రతా విషయంలో ఏమైనా ఇబ్బందులు తలెత్తినప్పుడు ఈ నంబర్లకు ఫోన్ చెయ్యవచ్చు.  

ప్రస్తుతం ఈ నంబర్లు పాసెంజర్ రిజర్వేషన్ సిస్టమ్ వెనక వైపు ప్రింట్ చెయ్యటానికి నిర్ణయించుకున్నారు.  త్వరలో ఈ పద్ధతి జనరల్ టికెట్ల మీద కూడా అమలు అవుతుందని దక్షిణ రైల్వే ఛీఫ్ సెక్యూరిటీ కమిషనర్ వి.కె.ఢాకా తెలియజేసారు.  జనరల్ రైల్వే పోలీస్, రైల్వే ప్రొటెక్షన్ ఫోర్స్, స్థానిక పోలీసుల మధ్య నేరాల గురించిన వివరాలు అందుబాటులో ఉండాలని ఆ సమావేశంలో నిర్ణయం తీసుకున్నారు.  దానితో పాటు ఉగ్రవాదాన్ని, హింసాకాండలను అరికట్టేందుకు నిఘాలో భాగంగా సిసి కేమెరాలను ఏర్పాటు చెయ్యాలని కూడా భావించారు.

-శ్రీజ