Posted: 02/26/2013 11:04 AM IST

రైల్వే బడ్జెట్ ను పార్లమెంటు లో ప్రవేశపెట్టే అవకాశం 17 సంవత్సరాల తర్వాత మళ్ళీ లభించింది. అదీ రైల్వే మంత్రి పవన్ కుమార్ బన్సల్ కి మొదటి ప్రహసనం. రైల్వేల ఆదాయాన్ని పెంచాలి, రాబోయే ఎన్నికల దృష్ట్యా సామాన్యుడి నడుమూ విరగ్గూడదు. మంత్రి బన్సల్ కి ఇదినిజంగా కత్తిమీద సామే.

రానున్న ఎన్నికలను దృష్టిలో పెట్టుకుని, ఆంధ్రప్రదేశ్, రాజస్థాన్, కేరళ, మహారాష్ట్రలకు మరి ఇతర రాష్ట్రాలకూ వరాలను ఇవ్వవలసిందే. డీజిల్ పెరిగిన నేపథ్యంలో కొద్దిపాటి ఛార్జీల పెంపు అనివార్యమనిపిస్తోంది.

వేచి చూడాల్సిన సమయం ఇంకా గంటే ఉంది కదా. ఈ లోగా ఊహాగానాలెందుకు అనుకుంటే ఈరోజు మధ్యాహ్నం పన్నెండు గంటలకు పార్లమెంటులో బన్సల్ ప్రవేశపెట్టబోతున్న ప్రతిపాదన ఏమిటన్నది నిర్ధిష్టంగా తెలిసిపోతుంది. ఇప్పటికే ఆయన దస్త్రం పుచ్చుకుని పార్లమెంటు వైపు బయలుదేరారు.    

 

-శ్రీజ