Posted: 12/04/2012 06:52 PM IST

పిల్లలను మందలించారనే ఆరోపణలతో జైలు పాలైన నార్వేలోని తెలుగు దంపతులకు కోర్టులో నిరాశే ఎదురైంది. తమ కుమారుడిని వేధించారనే ఆరోపణలు ఎదుర్కొంటున్న చంద్రశేఖర్, అనుపమ దపంతులకు కోర్టు శిక్ష ఖరారు చేస్తూ తీర్పు వెలువరించింది,. చంద్రశేఖర్ కి 18 నెలల శిక్ష, అనుపమని 15 నెలల శిక్ష వేసింది. అక్కడి పోలీసులు ఈ దంపతులు తమ పిల్లాడిని కాల్చి వాతలు పెట్టారని, బెల్టుతో కొట్టారని ఓస్లో పోలీసు శాఖ ప్రాసిక్యూషన్ అధిపతి కుర్ట్ లిర్ కోర్టుకు చెప్పారు. కానీ తమ పై వచ్చిన ఆరోపణలను ఆ దంపతులు ఖండించారు. తమ కుమారుడిని తామ భాధించలేదని, క్రమ శిక్షణలో పెట్టాలనే ఉద్దేశ్యంతో సరిగా వ్యవహరించి ఉండకపోవచ్చు కానీ, పిల్లాడిని బాధ పెట్టలేదని అన్నారు.  నార్వే కోర్టు తీర్పుతో హైదరాబాద్ మియాపూర్లోని చంద్రశేఖర్, అనుపమ కుటుంబసభ్యులు, బంధువులు కన్నీరు మున్నీరవుతున్నారు. తమవారి విడుదల కోసం ఆతృతగా ఎదురు చూసిన వారికి శిక్ష ఖరారైన విషయాన్ని తెలుసుకుని భోరున విలపించారు.