Posted: 11/02/2012 01:37 PM IST

ప్రకాశం జిల్లా డెయిరీ ఛైర్మన్ చల్లా శ్రీనివాసరావు అపహరణకు గురైనట్లు సమాచారం. జార్ఖండ్‑లో గత రాత్రి సాహెబ్ గంజ్ బరాత్ రోడ్డులో శ్రీనివాసరావు సహా మరో ముగ్గురు కిడ్నాప్‑కు గురైనట్లు పోలీసులకు ఫిర్యాదు అందినట్లు జిల్లా ఎస్పీ విజయలక్ష్మి తెలిపారు.  గురువారం రాత్రి 10.30 గంటలకు  చల్లా శ్రీనివాసరావును అపహరించినట్లు తెలుస్తోంది. చల్లా శ్రీనివాసరావు జార్ఖండ్‑లో రూ.120 కోట్లతో రహదారి పనులు చేపడుతున్నారు. కాగా కిడ్నాప్ అయినవారి కోసం గాలింపు చర్యలు చేపట్టినట్లు సాహెబ్ గంజ్ ఎస్పీ తెలిపారు. సాహెబ్ గంజ్ నుంచి  బర్ఖత్ పూర్ వైపు వెళ్లే 50 కిలోమీటర్ల రోడ్డుపై  రూ. 120 కోట్లతో  చేస్తున్న  పనులకు  ఆయన గుత్తేదారుగా ఉన్నారు.  పనులు పరిశీలించడానికి  వెళ్లిన ఆయన్ను గుర్తు తెలియని  వ్యక్తులు ఆయన వాహనం స్కార్పియోతో  సహా కిడ్నాప్ చేశారు.  వాహనంలో డ్రైవర్ తో పాటు క్యాషియర్ నరసింహరావు ఉన్నారు.  కందుకూరులో ఉండే తమ్ముడు నాగేశ్వరరావు చాలా సార్లు ఫోన్ చేసినా  కలవలేదు.  ఫోన్ స్విచ్ ఆఫ్ చేసినట్లు  తెలిసింది.  అనుమానం వచ్చి  విచారిస్తే  వీరు ప్రయాణించే వాహనంతో  సహా ముగ్గురి ఆచూకీ  తెలియలేదు. వెంటనే  సాహెబ్  గంజ్ లోనే ఎస్సీ విజయలక్ష్మీకి ఫిర్యాదు చేశారు.  పాలకేంద్రం చైర్మన్  కిడ్నాఫ్  జిల్లాలో కలకలం రేపింది.  హైదరాబాద్ లో ఉన్న భార్య, పిల్లలు  విషయం తెలుసుకుని  భోరున  విలపిస్తున్నారు.  ఓగూరులో ఉన్న ఆయన బంధువులు  ఆందోళన చెందున్నారు.  చల్లా శ్రీనివాసరావు అపహరణకు  గురయినట్లు  తమకు ఫిర్యాదు  అందిందని, ఆయన  ఆచూకీ కోసం గాలిస్తున్నామని  సాహెబ్ గంజ్ ఎస్పీ విజయలక్ష్మీ తెలిపారు.