Posted: 10/22/2012 10:57 AM IST

జాతీయ భద్రతకు సంబంధించిన వ్యవహారాల్లోనూ టెలికాం సంస్థలు నిర్లక్ష్యంగా వ్యవహరిస్తున్నాయి. పాలసీ ప్రకారమే నడుచుకుంటున్నామంటూ.. నిఘా సంస్థల వినతులను చెత్తబుట్టలో పారేస్తున్నాయి. దేశంలోనే అత్యున్నత నిఘా సంస్థ అయిన రా (రీసెర్చ్, అనాలసిస్ వింగ్) జాతీయ భద్రత దృష్ట్యా కొన్ని నంబర్లను ట్యాప్ చేయాలని ఎయిర్‌టెల్ సంస్థను కోరగా.. సమయం పడుతుందని నిర్లక్ష్యంగా సమధానమిచ్చింది. ఈ విషయంపై రా తీవ్ర నిరసనను వ్యక్తం చేసింది. ఈ విషయమై ‘రా’ జాయింట్ సెక్రెటరీ హోదాలో ఉన్న అరుణ్ కే సిన్హా టెలికాం శాఖకు ఫిర్యాదు చేశారు. ‘‘ఇలాంటి విషయాలు దేశ భద్రతకు ప్రతికూలంగా పరిణమిస్తాయని’’ ఆందోళన వ్యక్తం చేశారు.