Posted: 08/16/2012 07:45 PM IST

తమిళనాడు మాజీ ముఖ్యమంత్రి, డీఎంకే అధినేత కరుణానిధి ట్విట్టర్, ఫేస్‌బుక్‌లలో ఖాతా తెరిచారు. వీటి ద్వారా ప్రజలు, పార్టీ నేతలు, కార్యకర్తలతో తన సందేశాలు, అభిప్రాయాలను పంచుకోనున్నారు. దీనికిగాను ఇప్పటికే www.twitter.com/kalaignar 89 పేరుతో అకౌంట్‌ను ఓపెన్ చేశారు. పార్టీలోని యువతరం అభ్యర్థన మేరకు 89 ఏళ్ల కరుణానిధి ఫేస్‌బుక్, ట్విట్టర్‌లలో ఖాతా ప్రారంభించారని డీఎంకే బుధవారం ఓ అధికారిక ప్రకటనలో వెల్లడించింది. నాయకుల ప్రసంగాలు, పరిచయాలు, ఇంటర్వ్యూలు, పద్యాలను వీటిలో అప్‌లోడ్ చేయనున్నట్టు తెలిపింది. మరోవైపు, ఈనెల 17న మురసోలి మారన్ జయంతిని పురస్కరించుకుని కరుణ ప్రత్యేకంగా తన పేరుపై www.kalaignarkarunanidhi.com అనే వెబ్‌సైట్‌ను ప్రారంభించనున్నట్లు పేర్కొంది.