Posted: 08/02/2012 11:59 AM IST

వైఎస్సార్ కాంగ్రెస్ పార్టీ నేత, రాష్ట్ర మాజీ మంత్రి కొండా సురేఖ దివంగత మహానేత వైఎస్ రాజశేఖరరెడ్డి సమాధికి రాఖీ కట్టారు. ఈ ఉదయం ఇడుపులపాయకు చేరుకున్న ఆమె వైఎస్సార్ ఘాట్ ను సందర్శించారు. రక్షాబంధన్ పర్వదినాన్ని ఇక్కడే జరుపుకున్నారు. మహానేత బతికుండగా ఆయనకు రాఖీ కట్టేవారమని ఆమె ఈ సందర్భంగా గుర్తు చేసుకున్నారు.  ఆడపడుచుల కోసం వైఎస్సార్ ఎన్నో సంక్షేమ కార్యక్రమాలు చేపట్టారని సురేఖ తెలిపారు. రాష్ట్రంలో ఏ ఆడపడుచూ వైఎస్‌ఆర్‌ను మరిచిపోదన్నారు. వైఎస్ జగన్‌కు ఈ రాఖీ పౌర్ణమికి ఆడపడుచులు రాఖీలు కట్టలేకపోయారని ఆమె ఆవేదన వ్యక్తం చేశారు. త్వరలోనే జగన్ బయటకు వస్తారని సురేఖ విశ్వాసం వ్యక్తం చేశారు.