Posted: 07/30/2012 04:45 PM IST

       విదేశీ బ్యాంకుల్లో మూలుగుతున్న నల్లధనాన్ని వెనక్కి రప్పించాలనే డిమాండ్ పై రాందేవ్ బాబా తన స్వరం పెంచారు. నల్లధనాన్ని వెనక్కి రప్పించకుంటే కాంగ్రెస్ కు ఓటు వేయవద్దంటూ పిలుపునిస్తామని రాందేవ్ బాబా స్పష్టం చేశారు. నల్లధనంపై ఆగస్టు 9నుంచి ఢిల్లీలో చేపట్టనున్న ఆందోళనకు మద్దతు కూడగట్టేందుకు ఆయన అహ్మదాబాద్  వచ్చారు. దేశాన్ని పట్టిపీడిస్తున్న అవినీతి, నల్లధనం వంటి జాడ్యాలకు వంశపారంపర్యంగా దేశాన్ని ఏలుతున్న ఓ కుటుంబానికి చెందిన వారే కారకులంటూ పరోక్షంగా నెహ్రూ-గాంధీ ఫ్యామిలీపై రాందేవ్ విమర్శలు ఎక్కుపెట్టారు. ఆకలి, పేదరికంతో లక్షలాది మంది మరణిస్తుంటే సదరు కుటుంబీకులు మాత్రం పట్టీపట్టనట్టు వ్యవహరిస్తున్నారని ఆరోపించారు. ఇప్పటికైనా సరైన రీతిలో కాంగ్రెస్ పార్టీ  స్పందించకుంటే 2కోట్ల మంది ప్రజానీకంతో ఢిల్లీ దీక్షలో సత్తా చాటుతామన్నారు.

...avnk