Posted: 07/14/2012 12:10 PM IST

 ‘రా.వన్’ సినిమా హోర్డింగ్ ఏర్పాటుకు ముంబై నగర పాలక సంస్థ ఇచ్చిన గడువు ముగిసినప్పటికీ ఆ హోర్డింగ్‌ను తొలగిం చని కారణంగా బాలీవుడ్ నటుడు షారుఖ్ ఖాన్ రూ.50 వేలు జరిమానా చెల్లించాల్సి వచ్చింది. వివరాలు.. షారూఖ్ ఖాన్, ఆయన భార్య గౌరి పేరిట ఖార్(పశ్చిమ)లోని రామకృష్ణ మిషన్ మార్గ్‌లో ‘టుస్కనీ ప్రాపర్టీస్ ప్రైవేట్ లిమిటెడ్’ కంపెనీ ఉంది. ఈ కంపెనీ అద్దాల గోడకు గత సెప్టెంబర్‌లో బృహన్ ముంబై కార్పొరేషన్ నుంచి అనుమతి తీసుకుని ‘రా.వన్’ సినిమా హోర్డింగ్ అమర్చారు. అయితే, గడువు ముగిసినప్పటికీ, హోర్డింగ్ తొలగించకోవ డంతో తొలుత నోటీసులు ఇచ్చిన నగరపాలక సంస్థ, ఆ తర్వాత రూ.50వేలు జరిమానా విధించింది. దీంతో షారుఖ్ కంపెనీ ఉన్నతాధికారులు కార్పొరేషన్‌కు జరిమానా చెల్లించి, సదరు హోర్డింగ్‌ను తొలగించారు.