Posted: 06/09/2012 10:15 AM IST

జమ్ము కాశ్మీర్ లోని కర్టూంగలాపా ప్రాంతంలో గల కొండ చర్యలు శుక్రవారం రాత్రి విరిగిపడి ఘోర ప్రమాదం జరిగింది. ఈ ప్రమాదంలో 400 మంది పౌరులు చిక్కుకున్నట్లు తెలియ వచ్చింది. కొందరు మరణించినట్లు తెలుస్తుంది. జమ్ము కాశ్మీర్ కి 40 కిలోమీటర్ల దూరంలో ఈ ప్రాంతం ఉంది. ఇక్కడికి టూరిస్టులు ఎక్కువగా వస్తుంటారు. ఈ ప్రమాదంలో ఎక్కువ మంది టూరిస్టులే చిక్కుకున్నట్లు సమాచారం. జమ్ము కాశ్మీర్ పోలీసులు మరియు ఆర్మీ బలగాలు సంయుక్తంగా సహాయక చర్యలు చేపట్టాయి. కొండ చర్యల్లో చిక్కుకున్న వారిని రక్షించే ప్రయత్నం చేస్తున్నట్లు సమాచారం. ఈ సంఘటనకు సంబంధించి పూర్తి వివరాలు తెలియాల్సి ఉంది.