Posted: 05/23/2012 07:35 PM IST

పదో తరగతి విద్యార్థులతో సర్కారు చెలగాటం అడుతోంది. 12.5 లక్షల మంది విద్యార్థుల ఎదురుచూపులను పట్టించుకోకుండా.. మంత్రి కోసం ఏకంగా ఫలితాలనే వాయిదా వేసింది. ఫలితంగా ఈ రోజు  ఉదయమే విడుదల కావలసిన టెన్త్ ఫలితాలు గురువారానికి వాయిదా పడ్డాయి. కేవలం మంత్రి కోసమే మొదట వేళలు మార్చి.. ఆ తరువాత వాయిదా వేశారు. సెకండరీ విద్యాశాఖ మంత్రి పార్థసారథి అందుబాటులో ఉండే వేళలను తెలుసుకొని బుధవారం (ఈనెల 23న) ఉదయం 10:30 గంటలకు ఫలితాలు విడుదల చేస్తామని విద్యాశాఖ నాలుగు రోజుల కిందటే ప్రకటించింది. కానీ మంత్రి తిరుపతిలో ఉపఎన్నికల ప్రచారంలో బిజీగా ఉన్నారు.