Posted: 05/19/2012 05:10 PM IST

ఎంపీ, కాంగ్రెస్ నేత చిరంజీవి కుమారుడి వివాహం జూన్ 14న జరగనున్న విషయం తెలిసిందే. ఈ పెండ్లికి సంబంధించిన ఏర్పాట్లు, హడావుడి ఇప్పటి నుండే మొదలైంది. వివాహానికి సంబంధించిన లగ్న పత్రికను శాస్త్రం ప్రకారం గుళ్ళలో పూజలు నిర్వహించి తరువాత పంపిణీ మొదలు పెడతారు. దాని ప్రకారమే చిరంజీవి సతీమతి, చరణ్ తల్లి సురేఖ చరణ్, ఉపాసనల లగ్నపత్రికలను వివిధ పుణ్య క్షేత్రాల్లో పూజలు నిర్వహిస్తున్నారు.

మొన్న ఇంద్రకీలాద్రిపై వెలసిన విజయవాడ కనకదుర్గమ్మ పాదాల చెంత వుంచి, ప్రత్యేక పూజలు నిర్వహించారు. నిన్న తిరుమల శ్రీవారి చెంత లగ్నపత్రికనుంచి ప్రత్యేక పూజలు జరిపారు. అనంతరం కుమారుని పెండ్లి పత్రికను స్వామి వారి హుండీలో వేశారు. తరువాత తిరుచానూరు అమ్మవారిని దర్శించుకుకొని, అమ్మవారికి శుభలేఖ తో పాటు పట్టు చీరను సమర్పించారు.