Posted: 03/25/2012 03:05 PM IST

           తెలంగాణ కోసం ఆత్మహత్య చేసుకున్న బోజ్యానాయక్ మృతిపట్ల సీఎం కిరణ్‌కుమార్‌రెడ్డి తీవ్ర దిగ్భ్రాంతి వ్యక్తం చేశారు. బోజ్యానాయక్ కుటుంబానికి ఆయన ప్రగాఢ సానుభూతి తెలిపారు. తెలంగాణ సమస్యకు ఆత్మహత్యలు పరిష్కారం కావని చెప్పారు. ఆవేశాలకు, ఆగ్రహానికి లోనై బంగారు జీవితాలను కోల్పోవద్దని ఆయన పేర్కొన్నారు. తెలంగాణలోని సమస్యలన్ని కేంద్రానికి తెలుసని చెప్పారు. సరియైన సమయంలో కేంద్రం అన్ని ప్రాంతాలకు సానుకూలంగా నిర్ణయం తీసుకుంటుందని తెలిపారు.
           కాగా, తెలంగాణ అమరుడు బోజ్యానాయక్ మృతికి సంతాపంగా తెలంగాణ జేఏసీ రెండు రోజుల కార్యాచరణను ప్రకటించింది. సోమవారం తెలంగాణ కాంగ్రెస్, టీడీపీ నేతల దిష్టిబొమ్మలను దహనం చేయాలని పిలుపునిచ్చారు. బోజ్యా మృతికి సంతాపంగా మంగళవారం కొవ్వొత్తులతో ర్యాలీలు నిర్వహించాలని కోరారు. బోజ్యా మృతికి కారణమైన గండ్ర వెంకటరమణారెడ్డిని తక్షణమే అరెస్టు చేయాలని జేఏసీ డిమాండ్ చేసింది.

...avnk