Posted: 03/18/2012 02:54 PM IST

           విచిత్రంగా ఓ మంత్రి రెండు సార్లు ప్రమాణస్వీకారం చేయాల్సివచ్చిన ఘటన ఉత్తరప్రదేశ్ లో చోటు చేసుకుంది. ఇటీవల యుపి కేబినెట్‌లో మంత్రిగా ప్రమాణం చేసిన ఆజమ్‌ ఖాన్‌ నేడు ఆదివారం మరోసారి ప్రమాణ స్వీకారం చేశారు.  రాజ్యాంగ పద్ధతుల ప్రకారం ఆయన ప్రమాణం చేయలేదని తేలడంతో ఈ నిర్ణయం తీసుకున్నారు.
           కాగా, రాజ్యాంగంలోని మూడవ షెడ్యూల్‌లో ఫారమ్‌ 5లో పేర్కొన్న ప్రకారం ఖాన్‌ ప్రమాణ స్వీకారం చేయలేదంటూ అలహాబాద్‌ హైకోర్టులో పిల్‌ దాఖలైంది. స్థానిక న్యాయవాది యోగేంద్ర కుమార్‌ మిశ్రా శుక్రవారం ఈ రిట్‌ పిటిషన్‌ దాఖలు చేశారు. నిబంధనల ప్రకారం ప్రమాణ స్వీకారం చేయనందున మంత్రిగా ఆయన బాధ్యతలు నిర్వర్తించడం కుదరదని న్యాయవాది తన పిటిషన్‌లో పేర్కొన్నారు. ఈ నేపథ్యంలో తాజా పరిస్థితి ఉత్పన్నమైంది.

...avnk