Posted: 03/14/2012 01:47 PM IST

మన దేశ జనాభాలో రోజు రోజుకు స్వలింగ సంపర్కులు పెరిగిపోతున్నారనడానికి ఈ తాజా నివేదికే సాక్ష్యం. కొన్ని దేశాలు స్వలింగ సంపర్కానికి అనుమతులు ఉన్నాయి. ఈ విషయం పై ఈ మధ్యనే హైకోర్టు మొదట స్వలింగ సంపర్కం మన సాంప్రదాయనికి విరుద్దమని చెప్పి, తరువాత దీని పై ఇంకా ఏ నిర్ణయం తీసుకోలేదని రెండో నిర్ణయంగా చెప్పడంతో సుప్రీంకోర్టు మన కేంద్రప్రభుత్వాన్ని చివాట్లు కూడా పెట్టింది.
ఈ నేపధ్యంలో తాజాగా స్వలింగ సంపర్కుల పై ఓ నివేదిక ను కేంద్రం తయారు చేసి సుప్రీం కోర్టుకు సమర్పించింది. మన  దేశంలో 25 లక్షల మంది స్వ లింగ సంపర్కులు (గేలు) ఉన్నారని.. వారిలో 7 శాతం మందికి(1.75 లక్షలు) హెచ్ఐవీ సోకిందని మంగళవారం కేంద్ర ప్రభుత్వం సుప్రీం కోర్టుకు తెలిపింది. ఎయిడ్స్ నియంత్రణ మండలి ద్వారా 4 లక్షల మంది గేలకు అవగాహన కల్పించామని సుప్రీంకు సమర్పించిన అఫిడవిట్‌లో పేర్కొంది.