Posted: 01/19/2012 06:47 PM IST

సంక్షిప్త సందేశం పంపిద్దామంటే చిన్న కీబోర్టుతో చిక్కులు  ఎదుర్కొనేవారికి చక్కటి పరిష్కారం అందుబాటులోకి రానుంది.  సందేశం  పంపించాలనుకున్న విషయాన్ని ఫోన్ ముందు మాట్లాడితే  చాలు.. దానంతటదే  వాచకం (టెక్ట్స్) గా మారి సంక్లిప్త సందేశంగా వెళ్లిపోయే  కొత్త టెక్నాలజీని  ఇక్కడి ఐఐఐటీ మెరుగుపరుస్తుందట.  ఈ ప్రాజెక్టుకు  సమాచార సాంకేతిక  మంత్రిత్వ శాఖ  నిధులందిస్తోందని సంస్థ  సంచాలకుడు  రాజీవ్  సంగాల్ చెప్పారు.  మరో రెండెళ్లలో  ఈ  టెక్నాలజీ  సిద్దమవుతుందని  ఆయన వెల్లడించారు.  ఈ ప్రాజెక్టు పై  మరో ఏడు సంస్థలు  కూడా  పని చేస్తున్నాయని తెలిపారు. చిన్న తెర, చిన్న కీబోర్డు  ఉండే ఫోన్లలో  అక్షరాలను టైప్ చేయడం కష్టమని, అటువంటి  ఫోన్లకు  ఈ టెక్నాలజీ  ఉపయుక్తమని  ఆయన పేర్కొన్నారు. అంతే కాకుండా  మొబైల్  ఫోన్ తెరపై  ఏ భారతీయ భాషలో  రాసినా దాన్ని  గుర్తించే  ఆప్టికల్ క్యారెక్టర్  రీడర్  టెక్నాలజీ ను కూడా  చేస్తున్నట్లు తెలిపారు.