అర్థనగ్న ప్రదర్శనలు- తెలంగాణ ప్రక్రియ ఆగింది: లగడపాటి

Posted: 08/08/2013 03:57 PM IST

తెలంగాణ ప్రక్రియ తమ ఒత్తిడి వల్లే ఆగిందని ఎంపీ లగడపాటి రాజగోపాల్ వెల్లడించారు. తాము సాధించిన మొదటి విజయంగా ఆయన పేర్కొన్నారు. మిగిలిన పార్టీలు కూడా ప్రభుత్వంపై ఒత్తిడి తీసుకురావాలని ఆయన తెలిపారు. ప్రభుత్వ ఉద్యోగులు ఇప్పడే సమ్మెకు దిగాల్సిన అవసరం లేదన్నారు. సమ్మె అనే బ్రహ్మాస్త్రాన్ని ముందు ముందు ఉపయోగించాల్సి ఉంటుందని ప్రభుత్వ ఉద్యోగులకు లగడపాటి రాజగోపాల్ ఈ సందర్భంగా సూచించారు. అయితే మేం సమైక్యాంధ్రను కోరడం లేదని టీడీపీ ఎంపీ మోదుగుల వేణుగోపాలరెడ్డి న్యూఢిల్లీలో పేర్కొన్నారు. మా ప్రాంతంలోని ప్రజలకు నీరు, విద్యుత్, విద్య, ఉపాధి అవకాశాల కల్పనే తమ పార్టీ డిమాండ్ చేస్తుందని ఆయన తెలిపారు. తమ ప్రాంత ప్రజలకు అన్యాయం జరగకుండా నిర్ణయం తీసుకోవాలని యూపీఏ సర్కార్ ను ఆయన డిమాండ్ చేశారు. ఆ క్రమంలో న్యాయం జరిగేవరకు పోరాటం చేస్తామన్నారు. కాగా ఇరుప్రాంతాల ప్రజలు బాగుండాలనే తమ పార్టీ అధినేత చంద్రబాబు ఆకాంక్షిస్తున్నారని మోదుగుల వేణుగోపాలరెడ్డి ఈ సందర్బంగా తెలిపారు.

 

సమ్మెకు సిద్దమైన కాగడా

సమైక్యాంద్ర ఉద్యమంలో పాల్గొనేందుకు ఆర్టీసి నేషనల్ మజ్థూర్ యూనియన్ సిద్దమైంది. ఏపీ ఎన్జీవోస్ 12 వ తేదీ నుంచి తలపెట్టిన నిరవదిక సమ్మెల్యే పాల్గొనాలని నేషనల్ మజ్థూర్ యూనియన్ నిర్ణయించింది. సీమాంద్ర నేతల సమావేశంలో ఈ మేరకు నిర్ణయం తీసుకున్నారు. కేంద్ర ప్రభుత్వానికి ఏపీ ఎన్జీవోస్ ఇచ్చిన డెడ్ లైన్ దాటిన దగ్గర నుంచి వారితో కలిసి ఆందోళనల్లో పాల్గొంటామని ఎన్ఎంయూ విజయవాడ జోన్ అధ్యక్షుడు సుబ్రహ్మణేశ్వరరావు తెలిపారు. దీనికి సంబంధించిన సమ్మె నోటీసులను సీమాంద్రలోని నాలుగు జోన్ (విజయవాడ , విజయనగరం , కడప, నెల్లూరు) ల ఈడీలకు ఈరోజు అందజేస్తున్నట్లు తెలిపారు.

 

అర్థనగ్న ప్రదర్శనలు

సమైక్యాంద్రకు మద్దతుగా విజయవాడ జోన్ లోని అన్ని డిపోల ఎదుట ఈరోజు అర్థనగ్న ప్రదర్శనలు నిర్వహించారు. అలాగే 11వ తేదీన నోటికి నల్ల రిబ్బన్లు కట్టుకొని మౌన ప్రదర్శన ఉంటుందన్నారు. 12వ తేది అర్థరాత్రి నుంచి బస్సులన్నింటిని నిలిపివేసి ఎన్జీవోస్ కు మద్దతుగా నిరవదిక సమ్మెలో పాల్గొంటామని జయవాడ జోన్ అధ్యక్షుడు సుబ్రహ్మణేశ్వరరావు తెలిపారు.