అజ్నాతాన్ని వీడి స్పందించండి?

Posted: 08/07/2013 07:09 PM IST

ముఖ్యమంత్రి నల్లారి కిరణ్ కుమార్ రెడ్డి , తెలుగుదేశం పార్టీ అధినేత నారా చంద్రబాబు నాయుడు లు అజ్నాతం పై వస్తున్న వార్తలపై నూజివీడు శాసనసభ్యుడు రామకోటయ్య ఆ ఇరువురు నేతలకు లేఖలు రాశారు. వాటిని విలేఖరులకు అందజేశారు. రాష్ట్ర విభజన ప్రకటన వెలువడినప్పటి నుంచి ముఖ్యమంత్రి సచివాలయానికి రాక పోవడంతో పాటు చంద్రబాబు అప్పటి నుంచి మౌనం వహించడంపై ప్రజలకు తప్పుడు సంకేతాలు అందుతున్నాయని అన్నారు. రాష్ట్రం క్లిష్ట పరిస్థితుల్లో ఉన్న నేపథ్యంలో ముఖ్యమంత్రి , ప్రతిపక్షనేత కార్యోన్మఖులై ప్రజలకు ఉపశమనం కలిగించే దిశలో ఉద్యుక్తులు కావాలని తాను వేడుకుంటున్నట్లు తన లేఖలో పేర్కొన్నారు.

కొనసాగుతున్న నిరసనలు

నందిగామలో తెలంగాణకు వ్యతిరేకంగా నిరసన ప్రదర్శనలు ఈ రోజు కొనసాగాయి. న్యాయవాదులు, ఐసీడీఎస్ కార్యకర్తల ఆద్వర్యంలో గాంధీ సెంటర్ లో మానవహారం నిర్వహించారు. వ్యవసాయ శాఖ ఆద్వర్యంలో ఆదర్శ రైతులు నిరసన ప్రదర్శన చేపట్టారు. చైతన్య కళాశాల విద్యార్థులు , వైకాపా నాయకులు తెలంగాణకు వ్యతిరేకంగా రిలే నిరాహార దీక్షలు చేపట్టారు.

5వేల మంది

ఉయ్యూరులో సమైక్యాంద్రకు మద్దతుగా బంద్ ప్రకటించారు. వ్యాపార సంస్థలకు చెందిన వారు, వివిధ కళాశాలల విద్యార్థులు, కేసీపీ కార్మికులు, టైలర్లు ఎన్జీవోలు, ప్రజలు అంతా కలిసి దాదాపు 5 వేల మందికి పైగా ఈ కార్యక్రమాల్లో పాల్గొన్నారు. ఒకపక్క మానవహారం నిర్వహిస్తున్నారు. మరో పక్క ఉయ్యూరు కేసీపీ నుంచి ఉయ్యూరు సెంటరు వరకు ర్యాలీ నిర్వహిస్తున్నారు. సమైక్యాంద్రకు మద్దతుగా బంద్ సంపూర్ణంగా జరుగుతుంది.