సన్నీ బాయ్ ఫ్రెండ్ గా బర్నింగ్ స్టార్

Posted: 10/22/2014 09:47 AM IST

బాలీవుడ్ హాట్ శృంగార తార సన్నీ లియోన్ కు తెలుగులో బాయ్ ఫ్రెండ్ దొరికాడు. అతడెవరో కాదు ‘హృదయ కాలేయం’ సినిమాతో ప్రేక్షకుల ముందుకు వచ్చిన బర్నింగ్ స్టార్ సంపూర్ణేష్ బాబు అట. అయితే ఇదంతా రియల్ లైఫ్ లో కాదు కేవలం రీల్ కే పరిమితం. ఈ అమ్మడు నటించిన తొలి తెలుగు సినిమా ‘కరెంట్ తీగ’లో సంపూర్ణేష్ బాబు కూడా నటించాడు. ఈ సినిమాలో సన్నిది టీచర్ పాత్ర అట. కధలో భాగంగా సన్నీ - సంపూ ప్రేమించుకుంటారు అని సినిమా యూనిట్ వర్గాలు చెప్తున్నాయి.

బర్నింగ్ స్టార్ తో బాలీవుడ్ భామ లవ్ ఎఫైర్ చాలా బాగా నడుస్తుందట. అంతేకాకుండా సన్నీ, సంపూ, మనోజ్ మద్య జరిగే కామెడి సీన్లు చాలా బాగుంటాయి అని అంటున్నారు. ఇవన్నీ చూడాలంటే నెలాఖరు వరకు ఆగక తప్పదు. ఎందుకంటే ఈనెల 31న ఈ సినిమా విడుదల అవుతోంది. మూవీలో సంపూర్ణేష్ బాబుతో పాటు వెన్నెల కిశోర్, ధన్ రాజ్, తాగుబోతు రమేష్ తదితర కమెడియన్లు ఉండటంతో.., కామెడి కోరుకునే ప్రేక్షకులకు పూర్తి సంతోషం ఇచ్చే సినిమాగా చెప్తున్నారు.

జి.నాగేశ్వర రెడ్డి డైరెక్షన్ లో వస్తున్న ఈ సినిమాను 24 ఫ్రేమ్స్ ఫ్యాక్టరీ బ్యానర్ పై మంచు విష్ణు నిర్మించాడు. రకుల్ ప్రీత్ సింగ్ హీరోయిన్ గా నటిస్తోంది. సెన్సార్ బోర్డు నుంచి ‘ఎ’ సర్టిఫికెట్ పొందిన ఈ సినిమా దీపావళి కానుకగా విడుదలకు సిద్దమైనా... తుపాను వల్ల ఆగిపోయింది. మూవీలో సన్నీ లియోన్ ఐటం సాంగ్ ఫ్యాన్స్ ను ఊపేస్తుందని అంతా చెప్పుకుంటున్నారు. ఈ పాట వల్లే సినిమాకు ‘ఎ’ సర్టిఫికెట్ వచ్చిందంటే ఎలా ఉంటుందో ఊహించుకోవచ్చు.

కార్తిక్