సీఎం సభను సక్సెస్ చేసేందుకు నాయకుల కష్టాలు?

Posted: 06/13/2013 06:23 PM IST

ఈనెల 15వ తేదీ దివిసీమ పర్యటనకు రానున్న ముఖ్యమంత్రి కిరణ్‌కుమార్‌రెడ్డి పర్యటనను విజయవంతం చేసేందుకు ఉన్నతాధికారులు కసరత్తు ప్రారంభించారు. డ్వామా పీడీ హనుమా నాయక్ స్థానిక మండల పరిషత్ కార్యాలయంలో వివిధ శాఖల అధికారులతో సమీక్ష నిర్వహించారు. వేదిక నిర్మాణంతోపాటు, బారికేడ్లను ఆర్అండ్ బీ శాఖ నేతృత్వంలో జరపాలని ఆ శాఖ ఈఈ విజయ్‌కుమార్‌తో చర్చించారు. పారిశుధ్యం, తాగునీటి వసతిని ఆర్‌డబ్ల్యూఎస్ అధికారులు పర్యవేక్షించాలని సూచించారు. స్థానిక ఎమ్డీవో కె.వి.సుబ్బారావును శానిటేషన్ కార్యక్రమాలు పర్యవేక్షించాలన్నారు. ఇప్పటికే శానిటేషన్ కార్యక్రమాలకు పంచాయతీ ఆధ్వర్యంలో శ్రీకారంచుట్టారు. అవనిగడ్డలో జరిగే బహిరంగసభలో జిల్లా వ్యాప్తంగా డ్వాక్రా గ్రూపులకు బ్యాంక్ లింకేజి రుణాలు వందకోట్ల రూపాయలను ముఖ్యమంత్రి పంపిణీచేయనున్న నేపథ్యంలో డ్వాక్రా మహిళలను బహిరంగసభకు తీసుకురావాలని ఐకేపీ ఏరియా కోఆర్డినేటర్ శ్రీనివాసరావును ఆదేశించారు. సీఎం పర్యటనను పురస్కరించుకొని హెలిఫ్యాడ్, పైలాన్ నిర్మాణపనులు మోపిదేవిలో చురుకుగా సాగుతున్నాయి. మోపిదేవి వార్పు నుంచి యనమలకుదురు వరకు కృష్ణాకరకట్టపై రూ.162.3కోట్లతో నిర్మించిన డబుల్‌లైన్ల రహదారిని ముఖ్యమంత్రి ప్రారంభించనున్నారు.