కురుల అందాలకు సంబంధించి అబ్బాయిలుకాని, అమ్మాయిలు చాలా రకాల జాగ్రత్తలు తీసుకుంటారు. ముఖ్యంగా అమ్మాయిలు అయితే తమ కురుల అందాలకోసం, ప్రకాశవంతంగా కనిపించడం కోసం రకరకాల షాంపులను ఆయుర్వేద పద్ధతులను పాటిస్తుంటారు.
ప్రస్తుతకాలంలో అయితే ప్రతిఒక్కరికి చిన్న వయస్సులోనే జుట్టు తెల్లబడుతోంది. ఇలా తెల్లబడటం వల్ల వాళ్లు ఎంతో భయాందోళనకు గురి అయి, ముసలివాళ్లు అవుతున్నామేనన్న భావన కలుగుతుంది. అయితే ఇది చాలా సాధారణమైన సమస్య. జుట్టు తొందరగా తెల్లబడటానికి కారణం అది వారి జీవనశైలి, ఆహారపు అలవాట్ల మీద ఆధారపడి వుంటుంది.
సహజంగా మెలనిన్ అనే పదార్థం జుట్టుకు రంగును ఇస్తుంటుంది. ఇది వయస్సు పెరిగేకొద్దీ మెలనిన్ లక్షణాలు తగ్గుతూపోతాయి. కానీ ప్రస్తుతకాలంలో దీని పరిమాణం మరీ ఘోరంగా తగ్గిపోతుంది. అందువల్లే తక్కువ వయస్సులోనే తెల్లజుట్టు రావడం మొదలవుతుంది.
మీరు మీ జుట్టును తెల్లబడకుండా చూసుకోవాలంటే.. దానికంటే ముందు మీరు తెల్లజుట్టు రావడానికి గల వైద్యకారణాలు తెలుసుకోవాలి. అప్పుడే మీరు వాటికి తగిన రీతిలో అధ్యయనం చేసి.. జాగ్రత్తలు తీసుకోగలుగుతారు.
చిన్న వయస్సులోనే తెల్లజుట్టు రావడానికి గల కారణాలు :
సాధారణంగా తెల్లజుట్టు రావడానికి ముఖ్యమైన కారణం వంశపారంపర్యం. మన కుటుంబంలో మన తల్లికిగానీ, తండ్రికిగానీ తొందరగా జుట్టు తెల్లబడుతుంటే అది మనకు కూడా వచ్చే అవకాశం వుంటుంది. దీనినే జెనెటిక్ కోడ్ అని అంటారు.
కురులకు ఎంతో అవసరమైన విటమిన్ బి12 లోపం వల్ల మెలనిన్ ఉత్పత్తి తగ్గిపోతుంది. దాంతో జుట్టు తెల్లబడటం మొదలవుతుంది. ఆ విటమిన్ బి12ను మన శరీరంలో ఉత్పత్తి కావాలంటే.. దానికి సంబంధించిన మందులగురించి, ఆహారపదార్థాల గురించి తెలుసుకోవడం ఎంతో ఉత్తమం.
గొంతులో ఏర్పడే థైరాయిడ్, హైపోథైరాయిడిజం వంటి కారణాల వల్ల కూడా జుట్టు తెల్లగా మారిపోతుంది. ప్రస్తుతకాలంలో ఇది సమస్య ఎక్కువగా వుండటం వల్ల వారిలో తెల్లజుట్టు చాలా త్వరగా వచ్చేస్తున్నాయి.
గర్భిణీస్త్రీలకయితే గర్భధారణ సమయంలో జుట్టు గ్రే రంగులో మారడం సహజం. అప్పుడు వారిలో వుండే హార్మోనులు సమతుల్యత లేకపోవడం వల్ల సంభవిస్తుంది.
జుట్టు పెరుగుదలకు, వాటి అభివృద్ధికి ఎంతో ఉపయోగపడే పిట్యూటరీ గ్రంథులు... ఒక్కసారిగా తగ్గిపోవడం వల్ల జుట్టు తెల్లబడటం మొదలవుతుంది. వయసు కూడా వేగవంతంగా పెరుగుతుంది.
మన శరీరానికి అవసరం అయ్యే పోషకాలను, మినరల్స్ అందించడంలో ఐయోడిన్ ఎంతో సహాయపడుతుంది. అయితే ఐయోడిన్ తీసుకోకపోవడం వల్ల కూడా జుట్టుకు అవసరమయ్యే మినరల్స్ అందక... అవి త్వరగా తెల్లబడిపోతాయి.
అనీమియా (రక్తహీనత)తో బాధపడుతున్నవారు చాలా బలహీనంగా వుంటారు. అటువంటి సందర్భాల్లో వారికి సరైన పోషక పదార్థాలు అందక... జుట్టు కూడా తెల్లగా మారడానికి కారణం అవుతుంది.
చిన్న వయస్సులోనే జుట్టు తెల్లబడటం మొదలయితే.. అది వారు తీసుకునే ఆహారంలో పోషక పదార్థాలు సరిగ్గా వుండవు. అంతేకాకుండా వారిని వయస్సయిపోయిన వారిలా మార్చేస్తుంది. దీనినే మాల్ న్యూట్రిషన్ అంటారు. కాబట్టి ఆహారంలో పోషకపదార్థాలు పుష్కలంగా వుండేలా జాగ్రత్తలు తీసుకోవాలి.
జుట్టును ఎంతో ఆరోగ్యంగా, ప్రకాశవంతంగా వుంచడంలో ముఖ్యంగా ఉపయోగపడే రసాయన మినరల్ కాపర్. అటువంటి కాపర్ సరిగ్గా అందకపోతే జుట్టు తెల్లగా మారిపోతుంది.
చాలామంది తీవ్ర ఆందోళనకు, మానసిక ఒత్తిడులకు గురవుతుంటారు. అటువంటి సమయాల్లో వారి జుట్టుకు కావలసిన న్యూట్రీషియన్ సప్లిమెంట్ హెయిర్ రూట్స్ ద్వారా అందకుండా నిలిపివేస్తుంది. ఫలితంగా జుట్టు తెల్లబడటం ప్రారంభమవుతుంది.
ఈ విధంగా జుట్టు రకరకాల వైద్యకారణాల వల్ల చాలా తక్కువ వయస్సులోనే తెల్లగా మారిపోవడం జరుగుతోంది.
(And get your daily news straight to your inbox)
Jun 11 | వేసవికాలం వచ్చిందంటే చాలు... చాలామంది ఇంటి నుంచి బయటకు రావడమే మానేస్తారు. వేసవిలో భూమి, సూర్యునికి కొద్ది దగ్గరగా వెళతాడు. దాంతో సూర్యుని ప్రతాపం భూమి ఎక్కువ అవుతుంది. సూర్యుని నుంచి వెలువడే కిరణాలు... Read more
May 14 | కళ్లు... మహిళల అందాలను మరింత ఆకర్షణీయంగా పెంపొందించడంలో ఎంతో ప్రముఖ పాత్రను పోషిస్తాయి. సాధారణంగా మహిళలు తమ హావభావాలను కూడా ఈ కళ్ల ద్వారా వెల్లడిస్తారు. అమ్మాయిల అందం సాధ్యమైనంతవరకు కళ్ల మీదే ఆధారపడి... Read more
Apr 29 | రోజువారిగా నిర్వహించుకునే కార్యకలాపాలలో కొన్ని ప్రణాళికబద్ధమైన మార్పులను తెచ్చుకుంటే.. రోజంతా అందంగా, ఆనందంగా, ఆహ్లాదంగా గడపచ్చు. అదెలా అంటే... అందాన్ని పొందడం కోసం ఎంత డబ్బు ఖర్చు చేసినా.. ముఖంపై చిరునవ్వు లేకపోతే సహజ... Read more
Apr 24 | పెళ్లికానున్న ప్రతిఒక్క మహిళ తాను ఎంతో అందంగా, ఆకర్షణీయంగా కనిపించాలని కోరుకుంటుంది. దానికి సంబంధించిన రకరకాల పద్ధతులను కూడా అవలంభించుకుంటారు. చర్మం నిగనిగలాడేందుకు, జుట్టు రాలకుండా వుండేందుకు, చేతులు మృదువుగా కనిపించేందుకు... ఇలా రకరకాలుగా... Read more
Apr 22 | సాధారణంగా కళ్లద్దాలను కంటిలోపం వున్నవారు, ఇన్ఫెక్షన్ వున్నవారు వాడుతారు. కానీ ప్రస్తుతకాలంలో కూడా ఈ కళ్లద్దాలను వాడటం ఒక ట్రెండ్ అయిపోయింది. అమ్మాయిలు అందంగా కనిపించడానికి రకరకాల కళ్లద్దాలు కూడా మార్కెట్లలో లభ్యమవుతున్నాయి. ఇవి... Read more