పెళ్లికానున్న ప్రతిఒక్క మహిళ తాను ఎంతో అందంగా, ఆకర్షణీయంగా కనిపించాలని కోరుకుంటుంది. దానికి సంబంధించిన రకరకాల పద్ధతులను కూడా అవలంభించుకుంటారు. చర్మం నిగనిగలాడేందుకు, జుట్టు రాలకుండా వుండేందుకు, చేతులు మృదువుగా కనిపించేందుకు... ఇలా రకరకాలుగా ప్రతిఒక్క అంశంలోనూ జాగ్రత్తలు పాటిస్తారు. అలాగే దుస్తులు, ఆభరణాలు కూడా అలంకరించుకుంటారు. అటువంటి మరికొన్ని అందమైన చిట్కాలు మీకోసం...

పెళ్లికిముందురోజు ఉపయోగపడే కొన్ని వెడ్డింగ్ టిప్స్ :

1. పొడిచర్మం... మొదటగా మహిళలు అందంగా, ఆకర్షణీయంగా కనిపించడానికి దోహదపడే చర్మాన్ని మృదువుగా వుండేటట్లు చేసుకోవాలి. చర్మం పొడిగా వుంటే చాలా అసహ్యంగా కనిపిస్తారు. పొడిచర్మం వున్నట్లయితే దానిని నివారించడానికి ఆల్ఫా హైడ్రాక్సీ ఆమ్లాలు కలిగిన ఉత్పత్తులను, రసాయనిక పదార్థాలను వాడాలి. ఇవి చర్మాన్ని శుభ్రపరిచి, మృదువుగా మార్చేస్తాయి. ఫలితంగా మీరు అందంగా, ఆకర్షణీయంగా కనిపిస్తారు. చర్మం ఎల్లప్పుడూ తేమగా వుండేటట్లు చూసుకోవాలి.

2. మొటిమలు... సాధారణంగా ప్రతిఒక్కరు మొటిమల సమస్య నుంచి చాలా బాధపడుతుంటారు. పెళ్లి కావలసిన అమ్మాయిలు కూడా వీటి నుంచే చాలా ఎక్కువ సమస్యలు ఎదుర్కొంటుంటారు. ఇటువంటి మొటిమలను తగ్గించుకోవడానికి రకరకాల క్రీములు మార్కెట్లో అందుబాటులో వున్నాయి. మొటిమలు వున్న చోట రెంటిన్ - A, బెంజాల్ పెరాక్సైడ్, బాధను నివారించే లవణాలు గల యాసిడ్, సల్ఫర్ క్లోసిన్ - T వంటి రసాయనాలు మొటిమలను శుభ్రపరిచి, రంధ్రాలలో వుండే మురికిని బయటకు తీసేస్తాయి. అయితే వీటిని ఉపయగించుకోవడం వల్ల తేమ గుణం తగ్గే అవకాశాలు చాలా వున్నాయి కాబట్టి.. మాయిశ్చరైజర్లను కూడా ఎంచుకుంటే మంచిది.

3. కళ్లు చుట్టూ వుండే నల్లచి చారలు... కళ్ల చుట్టూ వుండే నల్లటి చారలు, వృత్తాలు ఎక్కువ ఒత్తిడిని కలిగిస్తాయి. సాధారణంగా ఇవి నిద్రలేకపోవడం, సూర్యకాంతి లేకపోవడంతో సంభవిస్తాయి. ఇటువంటి వాటిని తొలగించడానికి విటమిన్ సి - కే, అల్ఫా హైడ్రాక్సీ యాసిడ్ కలిగిన క్రీములను వాడితే చాలా మంచిది. లేకపోతే ఒక కన్సిలర్ తో ఆ వృత్తాలను కనబడకుండా కవర్ చేయవచ్చు.

4. ఐ బ్యాగ్స్... ఈ ఐ బ్యాగ్స్ వల కూడా తాత్కాలికంగా ఒత్తిడికి గురిచేస్తాయి. ఈ సమస్యను పరిష్కరించుకోవడానికి విటమిన్ సీ ఎక్కువగా వున్న క్రీములను, యాంటీ ఆక్సిడెంట్లు కలిగిన వున్న క్రీములను వాడితే ఎంతో శ్రేయస్కరం. వీటి ద్వారా ఆకర్షణీయమైన కళ్లను పొందవచ్చు.