మహిళలకు సంబంధించి ఫ్యాషన్ టిప్స్ చాలానే వున్నాయి. కురుల అందాలనుంచి తీసుకుని కాలిగోటి వరకు రకరకాల జాగ్రత్తలు తీసుకుంటంటారు. ముఖ్యంగా వీరు చర్మ సౌందర్యం కోసం చాలా జాగ్రత్తలు పాటిస్తారు. వాతావరణ పరిస్థితులకు అనుగుణంగా చర్మానికి రకరకాల లోషన్స్, పెయిర్ నెస్ క్రీమ్స్, ఇంకా ఇతర క్రీములను వాడుతారు. 

అలాగే మహిళల ముఖాలలో కళ్లు కూడా ఎంతో సున్నితంగా, ఆకర్షణీంగా వుంటాయి. వీరు చాలావరకు తమ హావభావాలను కళ్ల ద్వారానే ఇతరులకు వ్యక్తపరుస్తారు. కళ్లకు సంబంధించిన రకరకాల ఫ్యాషన్, బ్యూటీ టిప్స్ కూడా చాలానే వున్నాయి. అందులో కొన్ని ఇక్కడ తెలుసుకుందాం.... 

ఐ-లైనర్ : ఇది కళ్లను ఆకర్షణీయంగా కనిపించడానికి ఎంతో సహాయపడుతుంది. లైనర్ కేక్, స్టిక్, లిక్విడ్ లైనర్ రూపంలో మార్కెట్లలో ఇది లభ్యమవుతుంది. బ్లూ, బ్రౌన్ రంగులలో వుండే లైనర్ లను వాడితే కళ్లు చాలా స్పష్టంగా కనిపిస్తాయి. 

ఐ-షాడో : ఇది కళ్ల మేకప్ లో ఎంతో ప్రధానమైంది. ఇది రకరకాల రంగులలో లభ్యమవుతుంది. సయమానుకూలంగా అంటే... ఒక్కొక్క రంగులను ఒక్కొక్క సమయంలో వేసుకోవడం వల్ల కళ్లు ఎంతో ఆకర్షణీయంగా కనబడుతాయి. ఇది బ్లూ, బ్రౌన్, గ్రీన్, గోధుమరంగు, రాగి రంగు, బూడిద రంగు, సీ గ్రీన్స్, గులాబీ, నీలం, ఎరుపు.. ఇంకా రకరకాల రంగులలో లభ్యమవుతుంది. 

మస్కారా : సాధారణంగా రెప్పలకు వేసుకునే మస్కారా ట్రాన్స్ ఫరెంట్ గా నలుపు రంగులో వుంటే చాలా మంచిది. ప్రస్తుతకాలంలో ఇది సిల్వర్, గోల్డ్, చమ్కీలున్న మస్కారాలు రకరకాలుగా లభ్యమవుతున్నాయి. ఇది కళ్లను ఎంతో ఆకర్షణీయంగా మలుచుతుంది. 

వేసుకునే విధానం : ఐ-లైనర్, ఐ-షాడోలను ఒకేవిధంగా కళ్ల లోపలి మూలాల నుంచి బయట దిశగా పూసుకోవాలి. అవసరమైతే ఈ రెండింటిని ఒకేసారి వేసుకోవచ్చు కూడా. మస్కారా అయితే కంటి రెప్పలపై లోపలి దిశ నుంచి వెలుపలి వరకు వేసుకోవాలి.