శీతాకాలంలో అందంగా కనిపించేందుకు చిట్కాలు

Posted: 03/07/2014 11:10 AM IST

శీతాకాలంలో అమ్మాయిలు తమ అందాన్ని కాపాడుకోవడానికి అనేక రకాల మేకప్ పద్ధతులను అవలంభిస్తారు. చర్మం పొడిగా కాకుండా మృదువుగా వుంచుకోవడానికి అనేక రకాల ఫెయిర్ నెస్ క్రీములను ఉపయోగిస్తారు. కొంతమంది అమ్మాయిలైతే ఇంటినుండి బయటికి రావడానికి భయపడిపోతుంటారు. మరికొంతమంది ముఖానికి స్కార్ఫ్ వంటివి కట్టుకుని తిరుగుతూ వుంటారు. అలాకాకుండా కొన్ని చిట్కాలను నిపుణులు మనకు తెలుపుతున్నారు. 

మొదటగా మీ చర్మాన్ని పరిశుభ్రంగా, స్వచ్ఛతగా వుంచుకోవడానికి ఎల్లప్పుడూ మాయిశ్చరైజింగ్ (తేమగా) చేసుకోవాలని సూచిస్తున్నారు. ఇలా చర్మం తేమగా వుండటం వల్ల చర్మం పొడిగాగాని, బిగుతుగా అవ్వుకుండా... చాలా మృదువుగా తయారవుతుందని సూచిస్తున్నారు. 

అలాగే మీ చర్మం ఏ రంగు (నలుపు లేదా తెలుపు)లో అయితే వుందో... దానికి సంబంధించిన మంచి క్రీములను వాడండి. సాధ్యమైనంతవరకు ఒక క్రీమునే వాడెందుకు ప్రయత్నించండి. రకరకాల క్రీములను ఒకేసారి వాడటం వల్ల అందులో వున్న రసాయనాలు చర్మాన్ని దెబ్బతీసే అవకాశం వుంటుంది. 

ఇక కళ్ల విషయానికొస్తే.... శీతాకాలంలో కళ్లు క్లాసీగా కనిపించేందుకు కంటికి చివరగా మెటాలిక్ షేడ్స్ ని వాడితే ఎంతో ఆకర్షణీయంగా కనిపిస్తారు. కోల్, లైనర్, మస్కారా వంటి వాటిని కూడా ఉపయోగించుకోవచ్చు. 

సాధారణంగా శీతాకాలంలో పెదాలు చాలా త్వరగా పొడిగా తయారయిపోతాయి. అలా అవ్వడం వల్ల సరిగా నవ్వడానికి కూడా వీలుండదు. అటువంటి సమయాల్లో లిప్ బామ్ ఉపయోగిస్తే చాలా మంచిది. ఇంకా బాగా ముదిరిన రంగుల లిప్ బామ్ లను వాడితే ఎంతో ఆకర్షణీయంగా కనబడటమే కాకుండా, పెదాలు పొడిగా మారవు. 

ముఖ్యంగా శీతాకాలంలో కేశాలంకరణ మరింత జాగ్రత్తగా చేసుకోవాల్సి వుంటుంది. ఎక్కువ వేడిగా వున్న నీటిని కాకుండా, గోరువెచ్చగా వున్న నీటితోనే స్నానం చేయాలి. అలాగే కండిషనర్ షాంపూస్ చాలావరకు ఉపయోగించాలి. జుట్టు పొడిగా అవకుండా తక్కువ మోతాదులో ఆయిల్ ను పట్టించుకోవడం చాలా మంచిది.