స్లిమ్ గా తయారవ్వాలంటే.. ఈ ఫుడ్స్ తినండి!

Posted: 10/31/2015 01:41 PM IST

నేటి ఆధునిక యుగంలో నాజూకు నడుము ట్రెండ్ బాగానే నడుస్తోంది. అందుకే.. బరువుగా వున్నవాళ్లందరూ స్లిమ్ గా కనిపించాలని రకరకాల ప్రయత్నాలు చేస్తుంటారు. ఉదయాన్నే లేచి వాకింగ్ కి వెళ్లడం, గంటల తరబడి వ్యాయామం చేయడం, ఇంకా ఎన్నో పద్ధతుల్ని అనుసరిస్తుంటారు. అయితే.. ఈ ఫాస్ట్ జనరేషన్ లో ఆ పనులన్నీ చేసేంత సమయం కొందరికి వుండదు. ఇంట్లో, ఆఫీసు పనులు నిర్వర్తించుకోవడంలోనే వారికి రోజంతా గడిచిపోతుంది. ఇటువంటివారు మరింత బరువు పెరుగుతారే తప్ప.. స్లిమ్ గా అయ్యే అవకాశాలు చాలా తక్కువ. మరి.. నాజుగ్గా తయారవ్వాలంటే ఎలా? అనే విషయంపై నిపుణులు పరిశోదనలు చేసి, కొన్ని ఆహారాలు తీసుకుంటే సరిపోతుందని చెబుతున్నారు.

బరువు నియంత్రించి.. నాజూగ్గా వుండాలంటే.. కూరగాయలను, ఐస్ క్రీమ్స్ ఎక్కువగా తీసుకోవాలని న్యూట్రీషన్లు అంటున్నారు. కూరగాయల్లో ఉండే పోషకాలు శరీరాన్ని చురుగ్గా ఉంచుతాయని న్యూట్రీషన్లు అంటున్నారు. కొవ్వు, కేలరీలు తక్కువగా ఉండి ఖనిజాలు, విటమిన్లు, పీచు పదార్థాలు అత్యధికంగా ఉండే పదార్థాలను తీసుకోవాలి. ముఖ్యంగా కూరగాయలను ఎక్కువగా తీసుకోవాలి. పచ్చిబఠాణి, బీట్‌రూట్, బంగాళాదుంపలు తరచుగా ఆరగిస్తుండాలి. డెయిరీ ఉత్పత్తులతో పాటు మాంసంకృతులను ఎక్కువగా తీసుకోవాలి. పూర్తి స్థాయిలో ఉండే పాలు, పెరుగు, పనీర్ కాకుండా స్కిమ్డ్ పాలు, పాల పదార్థాలు తీసుకోవాలి. ఈ పాలతో తయారయ్యే క్రీమ్, ఛీజ్, పనీర్, పెరుగు, మిల్క్, ఐస్‌క్రీమ్స్‌ను ఎక్కువగా తినాలి. అలాగే... పండ్లలో యాపిల్స్, యాప్రికోట్స్, ఉసిరి, ద్రాక్ష, జామ, నిమ్మ, లిచి, అరెంజ్, స్ట్రాబెర్రీలతో పాటు.. పప్పు దినుసులైన బీన్స్, శనగలు, రాజ్‌మా మంటి వస్తువులు, కరిగి పోయే పదార్థాలు తీసుకోవాలని డైటీషియన్స్ సలహా ఇస్తున్నారు.

పైన తెలుపబడిన పదార్థాలను సమయానికి అనుకూలంగా రెగ్యులర్ గా తీసుకుంటే.. బరువును నియంత్రించుకుని స్లిమ్ గా తయారవ్వచ్చు. ఒక్కసారి పాటించడం మొదలుపెడితే.. కొన్నాళ్లవరకు అలాగే కంటిన్యూ చేయాలని. లేకపోతే ఎలాంటి ఫలితం వుండదు. బయట తిండిపదార్థాలను ఏమాత్రం తీసుకోకూడదు. అలాగే.. మోతాదుకు మించి ఎక్కువ తినకూడదని నిపుణులు సూచిస్తున్నారు.