నువ్వులపొడిలో దాగిన ఆరోగ్య ప్రయోజనాలు

Posted: 11/02/2015 01:26 PM IST

ఆరోగ్యాన్ని మేలు చేసే కారకాల్లో నువ్వులపొడి ఒకటి. దీనిని రెగ్యులర్ గా తీసుకునే ఆహారంలో కలుపుకుని తీసుకుంటే.. ఆరోగ్యానికి ఎంతో శ్రేయస్కరమని నిపుణులు అంటున్నారు. పాపడ్స్ పై జల్లుకుని తింటే ఎంతో మంచిదని నిపుణులు చెబుతున్నారు. చూడటానికి చాలా చిన్నగా వుండే ఈ నువ్వుల్లో.. ఆరోగ్యానికి ప్రయోజనం కల్పించే ఎన్నో ఔషధగుణాలు దాగి వుంటాయి. అవి.. క్యాల్షియం, మెగ్నీషియం. ఐరన్, ఫాస్పరస్, విటమిన్ బి, జింక్, డయటరీ ఫైబర్ తదితర పోషకాలు అత్యధికంగా లభిస్తాయి. ఈ ఔషధాలు రకరకాల ఆరోగ్య సమస్యల నుంచి ఉపశమనం కలిగించడంలో కీలకపాత్ర పోషిస్తాయని నిపుణులు తమ పరిశోధనల ద్వారా వెల్లడిస్తున్నారు. మరి.. ఏయే పోషకాలు ఎటువంటి ప్రయోజనాలు కలిగిస్తాయో తెలుసుకుందామా..

* రుమటాయిడ్ ఆర్థ్రరైటిస్ వల్ల కలిగే నొప్పిని, వాపును తగ్గించడంలో కాపర్ సహకరిస్తుంది.
* ఆస్తమాలో కళ్ళెను అరికట్టడంలో మాంగనీస్ ఉపకరిస్తుంది. గుండెపోటు, స్ట్రోక్స్‌కు దారితీసే రక్తపోటును తగ్గించడంలోనూ సహకరిస్తుంది.
* కలోన్ క్యాన్సర్, ఆస్టియోపోరోసిస్, మైగ్రేన్, బహిష్టుముందు కలిగే ఇబ్బందులు (పిఎంఎస్) తగ్గించడంలో క్యాల్షియం సాయపడుతుంది.
* కొలెస్టరాల్‌ను నియంత్రించగల గుణాలు ఆ పోషకాలన్నింటిలో ఉన్నాయని ఆరోగ్య నిపుణులు అంటున్నారు.
* అందుకే.. నువ్వులపొడిని తరచూ తీసుకోవాలని నిపుణులు సూచిస్తున్నారు.