శరవేగంగా దూసుకుపోతున్న నాని

Posted: 05/20/2015 07:27 PM IST

Hero nani busy with 2 telugu movies bhale bhale magadivoy

తన సహజ నటనతో ప్రేక్షకులను మెప్పించి తనకంటూ ప్రత్యేక గుర్తింపు సాధించాడు హీరో నాని! ఈ గుర్తింపే ఇతనికి ‘ఈగ’లాంటి భారీ చిత్రంలో నటించేలా చేసింది. ఆ చిత్రం ఇతని కెరీర్ లోనే బిగ్గెస్ట్ హిట్ గా నిలవడంతోపాటు కెరీర్ కి ఎంతో హెల్ప్ అయింది. ఆ చిత్రం తర్వాత ఇతినికి ఎన్నో సినిమాలు వచ్చాయి. అయితే.. వాటిల్లో చాలా సినిమాలు బాక్సాఫీస్ దగ్గర చతికిలపడిపోవడంతో నాని పనైపోయిందని అంతా అనుకున్నారు. దీంతో తనను సరిగ్గా ఎస్టాబ్లిష్ చేసే హిట్ కోసం ఈ హీరో కొన్నాళ్లపాటు ఎదురుచూశాడు. ఈ క్రమంలోనే ఇతనికి ‘జెండాపై కపిరాజు’, ‘ఎవడే సుబ్రమణ్యం’ సినిమాలు మంచి కమర్షియల్ విజయాలను అందిచ్చాయి. ఈ సక్సెస్ తో నే ఇతనికి మళ్లీ అవకాశాలు రావడం మొదలయ్యాయి.

ఈ నేపథ్యంలోనే దర్శకుడు మారుతీతో కలిసి నాని ‘భలే భలే మగాడివోయ్’ అనే సినిమా చేస్తున్నాడు. గీతా ఆర్ట్స్ 2, యూవీ క్రియేషన్స్ సంయుక్తంగా నిర్మిస్తున్న ఈ సినిమా షూటింగ్ ప్రస్తుతం శరవేగంగా జరుగుతోంది. మరోవైపు.. ‘అందాల రాక్షసి’ సినిమాతో ఓ అందమైన ప్రేమకథను అందించిన హను రాఘవపూడి దర్శకత్వంలోనూ నాని ఓ సినిమాను అంగీకరించిన విషయం తెలిసిందే. 14 రీల్స్ సంస్థ ఈ సినిమాను నిర్మించనుంది. ‘భలే భలే మగాడివోయ్’ షూటింగ్ పూర్తి కాగానే నాని ఈ సినిమాను మొదలుపెట్టనున్నట్లు తెలుస్తోంది. ఇక ఈ సినిమాకు సంబంధించిన పాటల రికార్డింగ్ కూడా పూర్తైనట్లు దర్శకుడు హను తెలియజేశారు. విశాల్ చంద్రశేఖర్ సంగీత దర్శకత్వంలో రూపొందే ఈ ఆల్బమ్‌లోని పాటలన్నీ మంచి రిఫ్రెషింగ్ ఫీల్‌ని ఇస్తాయని దర్శకుడు తెలిపారు.

ఈ విధంగా నాని తన రెండు సినిమాల షూటింగులతో బిజీగా కాలం గడుపుతున్నాడు. ఈ రెండు చిత్రాలు తనకు మంచి విజయాన్ని అందిస్తాయని నాని వెల్లడిస్తున్నాడు. అటు ఆయా మూవీల యూనిట్ సభ్యులు కూడా ఆ రెండు సినిమాలు డిఫరెంట్ కాన్సెప్టులతో తెరకెక్కుతున్నాయని, ప్రేక్షకులకు మెచ్చే విధంగా రూపొందుతున్నాయని అభిప్రాయం వెల్లడించారు.