పట్టుబట్టలే ఎందుకు..?

Posted: 01/11/2016 01:53 PM IST

పెళ్ళి మొదలుకుని ఎటువంటి పూజాది క్రతువులు అయినా, పట్టు వస్త్ర ధారణ, ఆడవారికీ - మగవారికీ కూడా సూచించింది హిందూ సాంప్రదాయం. ఆడవారికీ పట్టు వస్త్రాలకీ అవినాభావ సంబంధం ఉంది. రక రకాల రంగుల్లో, ఎన్నో విధాల పట్టు వస్త్రాలు, చీరలు, మనకెప్పుడూ అందుబాటు లో ఉంటాయి. పట్టు వస్త్ర ధారణ, సమాజంలో ఉన్నత స్థితిని, ఐస్వర్యాన్నీ సూచిస్తుంది కూడా.

అయితే, పట్టు వస్త్ర ధారణకు సంబంధించి ఏమైనా ఇతర కారణాలు ఉన్నాయా? ధర్మ శాస్త్రం, ఆధునిక శాస్త్రం కూడా చెబుతోంది ఏమిటంటే, మన చుట్టూ, ఇంత దాకా ఎందుకు? జీవించి ఉన్న ప్రతీ ప్రాణి చుట్టూ, ఓరా అనబడే సప్తవర్ణ కాంతి పుంజం ఉంటుందని, అది మన యొక్క శరీర - మానసిక స్థితులని బట్టి మారుతూ ఉంటుంది అని చెప్పింది. పట్టు వస్త్రాలు ధరించినప్పుడు ఈ ఓరా ఏంతో శక్తివంతంగా, కాంతివంతంగా మారి, చుట్టూ ఉన్న అత్యున్నతమైన అనుకూల శక్తినీ ఆకర్షించి, మన శరీరంలో ప్రసరింపజేసేలా చేస్తుందట. అందుకే, పవిత్ర కార్యాచరణల్లోనూ, పూజాది క్రతువులు చేసేడప్పుడు, గుడికి వెళ్ళేడప్పుడు, ఆడవారినీ, మగవారినీ కూడా, పట్టు వస్త్రాలు ధరించమని, ఇలా ఉండటం మన ధర్మం అని చెప్తారు.

ధర్మం ఎప్పుడు సరి అయిన మార్గాన్నే సూచిస్తుంది.

అయితే, పట్టు పురుగులను వేడి నీళ్ళల్లో వేసి, వాటి పోగులను తీసి, దారాలుగా చేసి, పట్టు వస్త్రాలు నేస్తారు. మనసు ఉన్న ప్రతీ వారికీ, ఇది అత్యంత బాధనే కలిగిస్తాయి. అయితే, ప్రతీ జీవికీ ఒక పరమార్ధం ఉంటుంది. బహుసా పట్టు పురుగు పరమార్ధం ఇదేనేమో!