జైలవకుశ హాలీవుడ్ రీమేకా?

Posted: 08/30/2017 06:41 PM IST

జూనియర్ ఎన్టీఆర్ జై లవకుశకు రంగం సిద్ధమౌతోంది. సెప్టెంబర్ 21న దసరా బరిలో చిత్రం విడుదల అవుతోంది. ఎన్టీఆర్ మూడు పాత్రలు పోషిస్తున్న సంగతి తెలిసిందే. ఇప్పటికే జై.. లవ.. కుశ.. అంటూ మూడు లుక్స్ ను రిలీజ్ చేసేశారు.

అయితే బాబీ ఈ చిత్రాన్ని హాలీవుడ్ నుంచి లిఫ్ట్ చేసినట్లు ఓ వార్త చక్కర్లు కొడుతోంది. 1966లో వచ్చిన 'ద గుడ్ ద బ్యాడ్ ద అగ్లీ' అనే ఓ హాలీవుడ్ కౌబాయ్ చిత్రం వచ్చింది. అందులో మూడు పాత్రలు ఒకటి నెగటివ్ షేడ్, మరో రెండింటిలో ఒకటి మంచి, ఒకటి ప్లేబోయ్ తరహా పాత్రలు ఉంటాయి. ఇదే చిత్రాన్ని 2008లో 'ద గుడ్ ద బ్యాడ్ ద వియర్డ్' అంటూ సౌత్ కొరియాలో రీమేక్ చేశారు. ఈ చిత్రాన్నే జై లవకుశకు ఇన్ స్పిరేషన్ గా తీసుకున్నారని అంటున్నారు.

ప్రస్తుతం లవకుశలో కూడా మూడు పాత్రల లుక్కులు పోలికలు కూడా ఇలాగే ఉండటంతో కంపేరిజన్ మొదలుపెట్టారు. అది నిజమో కాదో తెలియాలంటే కొద్దిరోజులు ఆగాల్సిందే.