పవన్ జనసేన లోక స్టార్ హీరోయిన్?

Posted: 08/18/2017 04:29 PM IST

ఎన్నికల సన్నాహాలు దగ్గర పడుతుండటంతో పార్టీలన్నీ తమ అస్ట్రాలను సిద్ధం చేసుకుంటున్నాయి. అయితే గ్లామర్ ను చూసి ఓటేస్తారన్న నిర్ణయానికి వస్తున్న కొందరు నటీనటులను తమ శిబిరాల్లో చేర్పించుకునేందుకు తెగ ఆసక్తి చూపుతున్నాయి. ఈ క్రమంలోనే టాలీవుడ్ లో కూడా కొందరు రాజకీయాల్లోకి వస్తున్నారనే ప్రచారం ఊపందుకుంటోంది.

అయితే జనసే ద్వారా ప్రజల్లోకి స్పీడ్ గా దూసుకెళ్తున్న పవన్ తన క్రేజ్ తో చాలా మంది స్టార్లనే ఆకర్షించే అవకాశం ఉంది. ఇప్పటికే పలువురు గ్రీన్ సిగ్నల్ ఇచ్చేయగా, మరికొందరు పవన్ పిలిస్తే చాలూ అన్న ధోరణితో ఉన్నారు. ఈ నేపథ్యంలో ఓ స్టార్ హీరోయిన్ కూడా జనసేన లోకి వెళ్తుందన్న వార్త తెగ చక్కర్లు కొడుతోంది.

త్వరలో సినిమాలకు గుడ్ బై చెప్పబోతున్న ఓ స్టార్ హీరోయిన్ పవన్ గూటికి చేరబోతుందనే టాక్ వినిపిస్తోంది. అంతేకాదు మహిళ విభాగం ప్రారంభించబోతున్నాడన్న ప్రకటన నేపథ్యంలో పగ్గాలు ఆమెకే కట్టబెడతాడని కూడా చెప్పుకుంటున్నారు. అయితే రాజకీయ పరిజ్నానం ఉన్నవాళ్లనే తన పార్టీలోకి ఆహ్వానిస్తానన్న ప్రకటనకు కట్టుబడి బహుశా పవన్ ఆ పని చెయ్యబోడనే విశ్లేషకులు అభిప్రాయపడుతున్నారు. మరోవైపు అసలు ఆ హీరోయిన్ ఎవరా? అన్న ఆరాలు మాత్రం కొనసాగుతూనే ఉన్నాయి.