తాప్సీపై బాలీవుడ్ హీరోయిన్ ఆరోపణలు?

Posted: 06/15/2017 02:25 PM IST

బాలీవుడ్ లో ఇప్పుడో హాట్ రూమర్ తెగ చక్కర్లు కొడుతోంది. నిర్మాతతో అఫైర్ పెట్టుకున్న కారణంగా తన రోల్ ప్రాధాన్యత తగ్గించేశారంటూ తాప్సీపై మరో హీరోయిన్ జాక్వెలిన్ ఫెర్నాండెజ్ ఆరోపణలు చేయటం డిస్కషన్ కు తెరలేపింది. వీరిద్దరూ కలిసి జుడ్వా -2 లో నటిస్తున్న విషయం తెలిసిందే.

ఈ చిత్ర ప్రోడ్యూసర్ సాజిద్ నదియావాలాతో తాప్సీ అఫైర్ పెట్టుకుందనే వార్త ఈ మధ్య మీడియాలో హల్ చల్ చేస్తోంది. దీనికి తోడు సినిమాలో తాప్సీ, జాక్వెలిన్ ఇద్దరూ హీరోయిన్లే. కేవలం సాజిద్ తో క్లోజ్ నెస్ కారణంగా తనకు కేటాయించిన రోల్ ను తాప్సీ లాగేసుకుందనేది లంక బ్యూటీ చేస్తున్న ప్రధాన ఆరోపణ.

అయితే తాప్సీ ఏ చిత్రం చేసినా ఆ నిర్మాత, దర్శకులతో క్లోజ్ గా మూవ్ అవ్వటం కామన్ అనే విషయాన్ని గమనించాలి. అంతేకాదు జాక్వెలిన్ ఆరోపణలు చేసినట్లు ఎక్కడా అధికారికంగా లేదు. అలాంటప్పుడు మీడియానే అనవసరంగా ఫేక్ న్యూస్ లు రాస్తోందని తాప్సీ మండిపడుతోంది. ప్రస్తుతం బాలీవుడ్ లో ఈ క్రేజీ ప్రాజెక్టుతోపాటు తెలుగులో ఆనందో బ్రహ్మ అనే హర్రర్ కామెడీ లో తాప్సీ నటిస్తోంది.