పవన్ మూవీ హాంఫట్ ?

Posted: 08/29/2016 05:39 PM IST

అభిమానుల కోసం తొలిసారి తన రూల్స్ ని బ్రేక్ చేసి డాలీ సినిమాను త్వరగతిన సినిమాను పూర్తి చేస్తాడని ఆశించిన పవన్ అభిమానులకు నిరాశే ఎదురయ్యేలా ఉంది. పూజా కార్యక్రమాల్లో పాల్గొనటంతో మూడు నాలుగు నెలల్లో సినిమా రావటం ఖాయమని అంతా ఫిక్స్ అయ్యారు. అయితే ఈ లోపే రాజకీయ ఎంట్రీ సినిమాకు ఆటంకిగా మారనుంది.

ఓవైపు పవన్ లేకుండానే అవసరమైన సన్నివేశాలతో ఫస్ట్ షెడ్యూల్ ను పూర్తి చేసేశాడు డాలీ.  ప్రస్తుతం పవర్ స్టార్ సెట్లో ఎప్పుడు జాయిన్ అవుతాడా అని అభిమానులంతా ఎదురు చూస్తున్నారు. ఈ క్రమంలోనే తిరుపతి సభ, ఆపై కాకినాడ సభకు ముందే కమిట్ మెంట్ ఇవ్వటంతో ఇక డాలీ సినిమా ఎప్పటికీ పూర్తవుతుందో చెప్పలేని పరిస్థితి నెలకొంది. దాని తర్వాత ఆంద్రప్రదేశ్ అంతటా సభలు ఉంటాయని జనసేన ప్రకటించింది కూడా. ఈ నేపథ్యంలో వచ్చే నెలలో కూడా పవన్ షూటింగ్ లో పాల్గొనే అవకాశాలు చాలా తక్కువగానే ఉన్నాయి.

ఇంకోవైపు వేరే సినిమాలను వదులుకుని మరీ కేవలం పవన్ కళ్యాణ్ చిత్రం కోసం శృతీహాసన్ వెయిట్ చేస్తోంది. తాజాగా తన డేట్స్ వేస్ట్ అయిపోతున్నాయని నిర్మాత శరత్ మరార్ దగ్గర ఆమె వాపోయినట్లు సమాచారం. ఇలాగే అయితే తాను సినిమా నుంచి వాకౌట్ అవుతానని తేల్చిచెప్పిందట. దీంతో నెక్ట్స్ షెడ్యూల్ లో ఆమెపై కొన్ని సన్నివేశాలను చిత్రీకరించేందుకు డాలీ ఫ్లాన్ చేస్తున్నాడు. వచ్చే నెలాఖరు కల్లా తన పొలిటికల్ కమిట్ మెంట్లను ఎలాగైనా పూర్తి చేసుకుని, పవన్ తిరిగి షూటింగ్ లో పాల్గొంటాడని శరత్ మరార్ చిత్ర యూనిట్ కి ధైర్యం చెబుతున్నాడంట. ఏదేమైనా సర్దార్ గబ్బర్ సింగ్ తరువాత పవన్  నుంచి వరుస సినిమాలు వస్తాయని ఆయన అభిమానులకు ప్రస్తుత పరిణామాలు కాస్త నిరాశనే కలిగిస్తున్నాయి.