ఆ మల్టీస్టారర్ సెన్సేషన్ అయ్యేదే! ప్చ్...

Posted: 08/08/2016 07:06 PM IST

మల్లీ స్టారర్ ఈ పేరు వెనుకున్న పవర్ అంతా ఇంతా కాదు. ఇద్దరు టాప్ హీరోల ఫ్యాన్స్ ఒకే సినిమాలకు క్యూ కట్టడం, పైగా అలా వచ్చిన సినిమాలన్నీ బ్లాక్ బస్టర్లే కావటం ఒకప్పుడు టాలీవుడ్ లో ట్రెండ్ సెట్టర్ గా నిలించింది. కానీ, ఇగో క్లాష్ లో, లేక అభిమానులు నొచ్చుకుంటారనో తెలీదు కానీ, ఇప్పుడున్న హీరోలు మాత్రం ఆ పేరంటనే ఉలిక్కి పడుతున్నారు. కానీ, సీతమ్మ వాకిట్లో... ఇచ్చిన బూస్ట్ తో అడపా దడపా ఊపిరి లాంటి చిత్రాలు రావటానికి కారణమయ్యింది. అదే సమయంలో కొన్ని క్రేజీ కాంబినేషన్లో తెలుగు ప్రేక్షకులు సినిమాలను మిస్ అవుతున్నారన్నది సినీ పండితుల అభిప్రాయం.

తాజాగా అలాంటి మరో వార్త ఒకటి బయటికి వచ్చింది. కొద్దిరోజులుగా టాలీవుడ్ ను షేక్ చేస్తున్న వార్త నందమూరి-మెగా మల్టీ స్టారర్ సినిమా.  కల్యాణ్ రామ్-సాయిధరమ్ తేజ్ లు హీరోలుగా క్రియేటివ్ కమర్షియల్స్ అధినేత కే.ఎస్.రామారావు ఓ చిత్రాన్ని తీయబోతున్నారన్న వార్త వినిపిస్తోంది. ఇక ఇప్పుడు ఆ ప్రాజెక్టు గురించి మరో సెన్సేషన్ వార్త బయటికి వచ్చింది. నిజానికి ఆ చిత్రం తెరకెక్కాల్సింది యంగ్ టైగర్ ఎన్టీఆర్ స్టైలిష్ స్టార్ అల్లు అర్జున్ కాంబినేషన్ లో నంట.

దర్శకుడు ఎ.ఎస్.రవికుమార్ చౌదరి కథ రెడీ చేయటంతోపాటు, దానిని జూనియర్, బన్నీలకు వినిపించడం కూడా జరిగిందని తెలుస్తోంది. అయితే కారణమేంటో తెలియదుగానీ ఈ ఇద్దరూ కూడా పెద్దగా ఆసక్తిని కనబరచలేదని అంటున్నారు. దాంతో అటు నందమూరి ఫ్యామిలీ నుంచి కల్యాణ్ రామ్ ను .. ఇటు మెగా ఫ్యామిలీ నుంచి సాయిధరమ్ తేజ్ ను సంప్రదించడం, వారు నో చెప్పకుండానే ఒప్పేసుకోవటం జరిగిందని అంటున్నారు. ఇద్దరూ గ్రీన్ సిగ్నల్ ఇవ్వడంతో త్వరలోనే ఈ సినిమా సెట్స్ పైకి వెళ్లే ఛాన్స్ ఉందని అనుకుంటున్నారు. అదే టైంలో ఫ్రెండ్లీగా ఉండే ఎన్టీఆర్, బన్నీలు సినిమాకు ఎందుకు నో అన్నారో మాత్రం తెలీడం లేదు. ఒకవేళ వాళ్లు ఒప్పుకుని, ఆ కాంబినేషన్లో సినిమా వచ్చుంటే మాత్రం అది నిజంగా సెన్సేషన్ అయ్యేదే.