క్రేజీ కాంబినేషన్ సెట్ అయినట్లే..!

Posted: 06/08/2016 12:20 PM IST

పవర్ స్టార్ పవన్ కళ్యాణ్ సాధ్యమైనంత వేగంగా సినిమాలు తీసేందుకు ప్రయత్నాలు చేస్తున్నాడు. ప్రస్తుతం ఎస్ జె సూర్య డెరెక్టర్ గా ఒక ఫ్యాక్షన్ బ్యాక్ డ్రాప్ లో నడిచే ప్రేమకధలో నటిస్తున్న పవన్, తన తర్వాత ప్రొజెక్ట్స్ పైన కూడ దృష్టిపెట్టినట్లుగా తెలుస్తోంది. అయితే, తన తర్వాత సినిమా దర్శక దిగ్గజం దాసరినారాయణరావు తో చేస్తానని ప్రకటించిన సంగతి తెలిసిందే.

ఈ సినిమా కోసం దాసరి అండ్ గ్రూప్ దర్శకులను వెతుకుతున్నట్లుగా సమాచారం. దాసరి నారాయణరావు పవన్ కళ్యాణ్ కోసం కథా చర్చల్లో పాల్గొంటున్నట్లుగా తెలుస్తోంది. ఇందుకోసం గతంలో పవన్ కళ్యాణ్ కెరియర్ లోనే బిగ్గెస్ట్ హిట్ ఇచ్చిన తొలిప్రేమ డైరెక్టర్ కరుణాకరన్ తో చర్చలు జరుపుతున్నట్లుగా ఫిలిం నగర్ లో టాక్ మొదలైంది.

డైరెక్టర్ కరుణాకరన్ అయితే పవన్ కళ్యాణ్ తో రెండు సినిమాలు చేశాడు కాబట్టి పవన్ కి ఎలాంటి కథ నప్పుతుందో తెలుసని, పైగా ట్రెండ్ సెట్టర్ కాబట్టి మళ్లీ కాంబినేషన్ తోనే బిజినెస్ చేసుకోవచ్చని సేఫ్ గేమ్ ఆడొచ్చని దాసరి అండ్ గ్రూప్ చూస్తోందట.

మరి, పవర్ స్టార్ కి దర్శకుడు కరుణాకరన్ తో మళ్లీ కాంబినేషన్ సెట్ అయినట్లే అని అంటున్నారు ఫిలిం నగర్ వాసుల. సినిమా ఎలా ఉన్నప్పటికీ కరుణాకరన్ సినిమా అంటేనే ఒక ఫ్యామిలీ ఎంటర్ టైన్మెంట్ ఫీల్ వస్తుందని కాబట్టి వీళ్లిద్దరి కాంబినేషన్ ఖచ్చితంగా హిట్ కొడుతుందని చెప్తున్నారు సినీ పండితులు.   
 
- మూర్తి