నిత్యా భామ కోసం నితిన్ ఎదురుచూపులు

Posted: 03/02/2016 03:09 PM IST

హీరో నితిన్ కు చాలా కాలం తర్వాత హిట్టు లభించిన చిత్రం ‘ఇష్క్’. ఇందులో నితిన్ సరసన నిత్యామీనన్ తొలిసారిగా హీరోయిన్ గా జతకట్టింది. వీరి కెమిస్ట్రీ అదిరిపోయింది. దీంతో ప్రేక్షకులు ‘ఇష్క్’ సినిమాను బ్లాక్ బస్టర్ హిట్ చేసారు. ఆ తర్వాత మళ్లీ వీరిద్దరి కాంబినేషన్లో వచ్చిన చిత్రం ‘గుండెజారి గల్లంతయ్యిందే’.

విజయ్ కుమార్ కొండా దర్శకత్వంలో రూపొందిన ఈ చిత్రం నితిన్-నిత్యామీనన్ ల కెరీర్లోనే ది బెస్ట్ హిట్ చిత్రంగా నిలిచింది. ఈ సినిమాతో వీరిద్దరికి మంచి మార్కులే పడ్డాయి. కానీ నిత్యామీనన్ ను కాదనుకుని నితిన్ ‘చిన్నదాన నీకోసం’ సినిమాలో కొత్త హీరోయిన్ ను తీసుకున్నాడు. దీంతో ఆ సినిమా అట్టర్ ఫ్లాప్ అయ్యింది.

ప్రస్తుతం త్రివిక్రమ్ దర్శకత్వంలో రూపొందుతున్న ‘అఆ’ సినిమాలో నటిస్తున్నాడు నితిన్. ఈ సినిమా చివరి దశకు చేరుకుంది. ఈ సినిమా తర్వాత నితిన్ కోసం విజయ్ కుమార్ కొండా మరో కథను సిద్ధం చేసినట్లుగా తెలిసింది. ఇటీవలే విజయ్ కుమార్ కొండా చెప్పిన ఓ స్టోరీలైన్ నితిన్ కు బాగా నచ్చేసిందట. ఇందులో నితిన్ సరసన హీరోయిన్ గా మళ్లీ నిత్యామీనన్ నే తీసుకోవాలని ప్రయత్నాలు జరుగుతున్నాయి. త్వరలోనే అన్ని వివరాలను అధికారికంగా ప్రకటించనున్నారు.