‘కంచె’ దర్శకుడితో అఖిల్ సినిమా?

Posted: 11/16/2015 10:41 AM IST

అక్కినేని అఖిల్ హీరోగా నటించిన ‘అఖిల్’ సినిమా ఇటీవలే విడుదలై డివైడ్ టాక్ ను సొంతం చేసుకుంది. వి.వి.వినాయక్ దర్శకత్వంలో రూపొందిన ఈ చిత్రాన్ని హీరో నితిన్ భారీ బడ్జెట్ తో నిర్మించారు. అయితే ఈ సినిమా అనుకున్న స్థాయిలో విజయం సాధించలేకపోయింది. ఇదిలా వుంటే అఖిల్ తన రెండవ సినిమాపై దృష్టి సారించాడు.

ఇటీవలే అక్కినేని నాగార్జున మెగా హీరో వరుణ్ తేజ నటించిన ‘కంచె’ సినిమాను ప్రశంసించిన విషయం తెలిసిందే. దీంతో అఖిల్ తన రెండవ చిత్రాన్ని కూడా ‘కంచె’ దర్శకుడు క్రిష్ దర్శకత్వంలో చేయడానికి సిద్ధమవుతున్నట్లుగా తెలిసింది. ప్రస్తుతం అఖిల్ కోసం క్రిష్ ఓ విభిన్నమైన స్ర్కిప్ట్ ను సిద్ధం చేస్తున్నట్లుగా తెలిసింది.

త్వరలోనే ఈ చిత్రానికి సంబంధించిన అన్ని వివరాలను అధికారికంగా ప్రకటించనున్నారు. ప్రస్తుతం ‘అఖిల్’ సినిమాను మరింత ప్రమోట్ చేసే పనిలో అఖిల్ బిజీగా వున్నారు. త్వరలోనే సెకండ్ సినిమాతో బిజీ కానున్నాడు.