వచ్చే నెల 4న అనుష్క 'సైజ్ జీరో' ఆడియో

Posted: 09/28/2015 12:56 PM IST

Anushka size zero movie audio release date

'బాహుబలి', 'రుద్రమదేవి' చిత్రాల తర్వాత అనుష్క నటిస్తున్న తాజా చిత్రం ‘సైజ్ జీరో’. ప్రకాష్ కోవెలమూడి దర్శకత్వంలో రూపొందుతున్న ఈ చిత్రాన్ని భారీ బడ్జెట్ చిత్రాల సంస్థ PVP బ్యానర్ పై ప్రముఖ నిర్మాత ప్రసాద్ వి. పోట్లూరి నిర్మిస్తున్నారు. యం.యం.కీరవాణి సంగీతం అందిస్తున్నారు.

ఈ చిత్ర ఆడియో విడుదల కార్యక్రమాన్ని గతకొద్ది రోజులుగా వాయిదా వేస్తున్నారు చిత్ర యూనిట్. అయితే తాజాగా ఈ చిత్ర ఆడియోను అక్టోబర్ 4వ తేదిన విడుదల చేయడానికి ప్లాన్ చేస్తున్నట్లుగా తెలిసింది. త్వరలోనే అన్ని వివరాలను అధికారికంగా తెలియజేయనున్నారు.

ఇటివలే ఈ సినిమాలోని ఓ పాటను విడుదల చేసారు. టైటిల్ సాంగ్ గా రూపొందిన ఈ పాట చాలా హాట్ లుక్స్ తో కనిపిస్తుంది. ఇందులో అనుష్క ఇప్పటికే భారీ పర్సనాలిటితో కనిపిస్తున్న విషయం తెలిసిందే. ఈ భారీ శరీరాన్ని కరిగించేందుకు ప్రయత్నించే సమయంలో పడే కష్టాలను చాలా కామెడీ తరహాలో చూపించారు.

ఇందులో అనుష్క సరసన ఆర్య హీరోగా నటిస్తున్నాడు. సోనాల్ చౌహన్ కీలక పాత్రలో నటిస్తుంది. ఇప్పటికే విడుదలైన పోస్టర్లు, ట్రైలర్లకు భారీ రెస్పాన్స్ వచ్చింది. ఈ సినిమాపై వున్న అంచనాలను భారీగా పెంచేస్తున్నాయి. ఈ చిత్రాన్ని త్వరలోనే ప్రేక్షకుల ముందుకు తీసుకురానున్నారు.

ఈ చిత్రానికి సంగీతం: యం.యం.కీరవాణి, సినిమాటోగ్రఫీ: నిరవ్ షా, ఆర్ట్: ఆనంద్ సాయి, ఎడిటింగ్: ప్రవీణ్ పూడి, కాస్ట్యూమ్స్: ప్రశాంత్, కథ-స్క్రీన్ ప్లే: కణిక థిల్లాన్ కోవెలమూడి, ఎగ్జిక్యూటివ్ నిర్మాత: సందీప్ గుణ్ణం, నిర్మాత: ప్రసాద్ వి.పొట్లూరి, దర్శకత్వం: ప్రకాష్ కోవెలమూడి.