మాజీ ప్రియుడితో రొమాన్స్ కు గ్రీన్ సిగ్నల్

Posted: 06/24/2015 01:05 PM IST

Hansika again romance with simbu in vaalu

నయనతారతో బ్రేకప్ అయ్యాక హన్సికతో శింబు ప్రేమలో పడ్డ విషయం తెలిసిందే. శింబు, హన్సికల ప్రేమాయణం పెళ్లి వరకు వచ్చి విడిపోయిన విషయం తెలిసిందే. వీరిద్దరూ ‘వాలు’ సినిమా షూటింగ్ సమయంలో ప్రేమలో పడ్డారు. ఆ తర్వాత వీరి ప్రేమ కాస్త పెళ్లి వరకు కూడా వెళ్లింది. వీరి పెళ్లికి ఇరు కుటుంబ సభ్యులు ఆమోదించినప్పటికీ.. ఆ తర్వాత మళ్లీ ఏవో కారణాల వల్ల ఇరు కుటుంబాల మధ్య ఏవో వివాదం ఏర్పడి విడిపోయారు.

అయితే వీరిద్దరూ బ్రేకప్ అయిపోయాక వీరిద్దరూ కలిసి నటించిన ‘వాలు’ సినిమా కష్టాల్లో పడింది. ఈ సినిమా ఆగిపోయింది. ఈ సినిమా మొత్తం షూటింగ్ చివరి దశకు చేరుకుంది. కానీ ఒక్క పాట మాత్రమే షూటింగ్ ఇంకా మిగిలిపోయింది. శింబు, హన్సికల మధ్య బ్రేకప్ అవ్వడంతో.. హన్సిక ఈ పాటలో నటించడానికి నిరాకరించింది. అంతేకాకుండా తానిచ్చిన కాల్ షీట్స్ డేట్స్ పూర్తయ్యాయని తేల్చేసింది. దీంతో ఏం చెయ్యాలో తెలియక చిత్ర దర్శకనిర్మాతలు అయోమయంలో పడ్డారు.

కానీ ఈ పాటను వేరే హీరోయిన్ తో చిత్రీకరించాలని అనుకున్నారు. కానీ కుదర్లేదు. మొత్తానికి విడుదల వాయిదా పడ్డ ఈ చిత్రాన్ని జులై 17న విడుదల చేయబోతున్నట్లుగా చిత్ర యూనిట్ ప్రకటించేసారు. కానీ ఆ మిగిలిపోయిన పాటను కూడా చేర్చి విడుదల చేయనున్నారు. ఆ పాటలో నటించడానికి హన్సిక ఒప్పుకుందట. త్వరలోనే ఈ పాటను చిత్రీకరించనున్నట్లుగా తెలిసింది.

ఈ విషయం తెలుసుకున్న కోలీవుడ్ జనాలు... ‘మళ్లీ వీరిద్దరి మధ్య ప్రేమ మొదలయ్యింది’ అంటూ గుసగుసలాడుతున్నారు. మరి శింబు ఇటీవలే తన ప్రేమ విఫలమయ్యి ఎంత భాధపడుతున్నాడో అందరి ముందు చెప్పిన విషయం తెలిసిందే. శింబు మాటలకు హన్సిక కరిగిపోయి, తన ప్రియుడిని క్షమించిందేమోనని సినీవర్గాలు అభిప్రాయపడుతున్నారు.