బ్రహ్మోత్సవంలో రాశిఖన్నాతో మహేష్ రొమాన్స్?

Posted: 06/08/2015 01:57 PM IST

Rashi khanna pair up with mahesh in brahmotsavam

‘సీతమ్మ వాకిట్లో సిరిమల్లె చెట్టు’ తర్వాత శ్రీకాంత్ అడ్డాల దర్శకత్వంలో మహేష్ బాబు హీరోగా ‘బ్రహ్మోత్సవం’ చిత్రం తెరకెక్కుతున్న విషయం తెలిసిందే. ఇటీవలే మహేష్ తండ్రి సూపర్ స్టార్ కృష్ణ జన్మదినం సంధర్భంగా ప్రారంభమయ్యింది. ప్రముఖ భారీ బడ్జెట్ చిత్రాల నిర్మాణ సంస్థ PVP బ్యానర్ పై ప్రసాద్ వి.పోట్లూరి ప్రతిష్టాత్మకంగా నిర్మిస్తున్నారు.

ఈ సినిమాలో మహేష్ ముగ్గురు హీరోయిన్లతో రొమాన్స్ చేయనున్నాడని తెలిసింది. ఇప్పటికే ఈ సినిమాలో రకూల్ ప్రీత్ సింగ్, ప్రణీతలను హీరోయిన్లుగా ఎంపిక చేసారు. మరో హీరోయిన్ ఎంపిక కోసం చిత్ర యూనిట్ ప్రయత్నిస్తున్నట్లుగా తెలిసింది. మూడవ హీరోయిన్ గా రాశి ఖన్నాను అనుకుంటున్నట్లుగా తెలిసింది. త్వరలోనే అన్ని వివరాలు తెలియనున్నాయి.

ఇప్పటి వరకు ఇద్దరు హీరోయిన్లతో రొమాన్స్ చేసిన మహేష్... తొలిసారిగా ఈ ‘బ్రహ్మోత్సవం’ లో ముగ్గురు భామలతో రొమాన్స్ చేయనున్నాడని తెలిసింది. కానీ ఈ విషయంపై ఇంకా ఎలాంటి క్లారిటీ రాలేదు. త్వరలోనే చిత్ర యూనిట్ అధికారిక ప్రకటన విడుదల చేయనున్నారు. ప్రస్తుతం మహేష్ నటిస్తున్న ‘శ్రీమంతుడు’ చిత్రం విడుదలకు సిద్ధమవుతోంది.

కొరటాల శివ దర్శకత్వంలో తెరకెక్కుతున్న ‘శ్రీమంతుడు’ చిత్రంలో మహేష్ సరసన శృతిహాసన్ హీరోయిన్ గా నటిస్తుంది. ఇప్పటికే విడుదలైన ఫస్ట్ లుక్ టీజర్ కు భారీ రెస్పాన్స్ వస్తోంది. దేవిశ్రీప్రసాద్ సంగీతం అందిస్తున్న ఈ చిత్ర ఆడియోను త్వరలోనే విడుదల చేయనున్నారు. ఈ చిత్రాన్ని త్వరలోనే ప్రేక్షకుల ముందుకు తీసుకురానున్నారు.