రజినీతో మూడోసారి నయనతార రొమాన్స్?

Posted: 05/18/2015 01:09 PM IST

రజనీకాంత్ లాంటి సూపర్ స్టార్ తో ‘చంద్రముఖి’ సినిమాతో అవకాశం రావడం.. ఆ సినిమా హిట్టవ్వడంతో ఈ అమ్మడి అదృష్టమే మారిపోయింది. ఆ తర్వాత ఇక వెనక్కి తిరిగి చూసుకోకుండా వరుస సినిమాలతో బిజీ అయిపోయింది. ‘చంద్రముఖి’ సినిమాలో నయనతార అద్భుతంగా నటించింది.

ప్రస్తుతం తమిళం స్టార్ హీరోయిన్ ఎవరంటే.. అందరూ నయనతారకే ఓటేస్తారు. కేవలం గ్లామర్ పాత్రలలోనే కాకుండా తనకంటూ ఓ ప్రత్యేక ఇమేజ్ ను సొంతం చేసుకొని, కోలీవుడ్ లో స్టార్ హీరోయిన్ గా దూసుకుపోతుంది. ఎంతమంది హీరోయిన్లు వచ్చినా కూడా నయనతారకు వున్న క్రేజ్ మాత్రం తగ్గడం లేదు.

‘చంద్రముఖి’ తర్వాత రజినీ నటించిన ‘శివాజీ’ సినిమాలో ఓ స్పెషల్ సాంగ్ లో నటించింది. ఆ తర్వాత వచ్చిన ‘కథానాయకుడు’ సినిమాలో ఓ స్పెషల్ పాత్రలో నటించింది. అయితే మరోసారి రజినీతో కలిసి నయనతార ఆడిపాడనుందని సమాచారం.

రజనీకాంత్ హీరోగా రంజిత్ దర్శకత్వంలో తెలుగు, తమిళ భాషలలో ఓ చిత్రం తెరకెక్కనున్న విషయం తెలిసిందే. ప్రస్తుతం ఈ చిత్రానికి సంబంధించిన ప్రీ ప్రొడక్షన్ పనులు శరవేగంగా జరుగుతున్నాయి. ఇందులో హీరోయిన్ గా నయనతారను ఎంపిక చేసినట్లుగా సమాచారం. త్వరలోనే అన్ని వివరాలు అధికారికంగా ప్రకటించనున్నారు.